Memleket basshysy Qasym-Jomart Toqaevtyń otandyq telearnaǵa bergen suhbatynda Jańa Qazaqstandy qurý jolyndaǵy negizgi mindetterdi qozǵady. Sonyń ishinde ádiletti qoǵam qurý qajettiligi óte mańyzdy.
Eger kóleńkeli ekonomıka men sybaılas jemqorlyq bolmasa, onda biz ádil jáne adal memleket bola alamyz. Bıýdjet te jónimen jumsalady, al bul degenimiz – áleýmettik damýdyń belgisi. Men úshin Jańa Qazaqstan – ádiletti sot jáne kez kelgen azamattyń múddesin qorǵaıtyn quqyq júıesi. Búgingi quqyqtyq júıedegi qorqynyshtan arylý kerek. Iаǵnı bılik pen halyqtyń ózara jaýapkershiligi bolýy kerek.
Jańa Qazaqstan – ár azamattyń problemasyna mán beretin memleket. Sol sııaqty azamattar da zań talaby men quqyqty saqtaýǵa tıis. Sonda ǵana ádiletti qoǵam men tıimdi memleket bolady. Naqtysy osy. Damımyn degen memleket úshin ádiletti qoǵam, teńdik jáne adam quqyǵynyń saqtalýy mańyzdy. Al memleket el ıgiligi úshin tıimdi jumys isteýge tıis. Sondaı-aq elimizde sapaly bilim men áleýmettik medısına halyqtyń ıgiligine qyzmet etýi kerek.
Marat BÁShIMOV,
Eýropalyq quqyq jáne adam quqyqtary ınstıtýtynyń dırektory
