Keneptegi kúıbeleń

Oıda joqta bolǵan oırannan eń kóp zardap shekken aı­maq – Alma­ty qalasy. Eshkimdi alala­­maı­tyn arman qalanyń sol sát­tegi súreńsiz keıpi ta­laılar­­dyń janyn aýyrtty. Osy bir ­se­zimdi boıaý tilimen bere al­ǵan kar­tınalardyń bir sho­ǵy­ryn Mem­lekettik ortalyq mý­zeı qabyrǵasynan ashyl­ǵan «Me­niń Qazaqstanym – me­­niń ot­basym» kórmesinen kez­­des­tirdik. «Almaly Palıt­ra» sý­ret­shiler qaýymdasty­ǵy usy­nǵan kórmeniń basty taqyryby – qater qushaǵyn­daǵy megapolıs hám qaı­ta tutanǵan úmit shyraǵy. Bel­­sendi sýretshiler óz ju­mys­tarynda eline degen súıis­­penshiligin, qoldaýyn jáne ma­habbatyn kórsete bilgen.

– Jyl basynda oryn alǵan «Qańtar oqıǵasy», árqaı­sy­symyzǵa súıikti qalamyz Al­matynyń mańyzdy ekenin, tipti ómir qundylyǵyn uǵyn­­dyrdy. Kórme 35 sý­ret­sh­i­­niń jumysyn biriktirip otyr. Kelýshiler nazaryna – beıneleý óneri, akva­rel, grafıka, sándik qol­dan­baly óner jáne taǵy bas­qa janr­daǵy shyǵarmalar usy­nylǵan. Kórkem týynylar qala­myzdyń tarıhyn, sonymen qatar ár ǵımarattyń tarıhı qundylyǵyn, olardyń biz úshin qanshalyqty baǵaly ekenin qaperimizge salady. Bostandyq pen beıbitshilik – baǵa jetpes qundylyq. Sýret­shilerimiz de bul bizdiń berik ustanymymyz ekenin aıshyqtaýǵa tyrysqan. Aına­lamyzdaǵy tumsa tabıǵat, turǵyndardyń baqytty ómi­ri, alańsyz tirshilik – ómir­diń jarqyn kelbeti. Ár shy­ǵarmanyń astarynda osyndaı oı jatyr, – deıdi kórme jetekshisi Lıdııa Drozdova.

О́ner jármeńkesi qyl­qa­lam sheberleriniń arman qa­laǵa degen ińkárligin pash etedi. О́ner – ýaqyt únin ta­rıh­qa tań­balaýdyń bir tetigi eke­nin es­kersek, kórme ashyla saly­sy­men sýretterdi sa­typ alýǵa qy­zyǵýshylyq ta­nyt­qandar qa­tary artqan. Uıym­das­ty­rý­shylar keıbir kar­tına­lar Mem­­­lekettik Ortalyq mýzeı qo­­ryn tolyq­tyratynyn ­aıt­ady.