Endi jumyssyz tulǵalar jumys izdeý úshin «Elektrondyq eńbek bırjasy» aqparattyq portalynda tirkele alady.
Jalpy, jumys izdep júrgen adamdar jumysqa ornalasýǵa járdemdesý úshin júgingen kezde kelesi resýrstarǵa tirkele alady:
- Turǵylyqty jeri boıynsha jumyspen qamtý ortalyǵy arqyly;
- «Elektrondyq úkimet» veb-portaly arqyly;
- Memlekettik korporasııa arqyly;
- «Elektrondyq eńbek bırjasy» aqparattyq portalynda.
Eger «Elektrondyq eńbek bırjasy» aqparattyq portaly nemese Jumyspen qamtý ortalyǵy belgilengen kezeń ótkennen keıin qolaıly jumys usynbasa nemese jumys izdep júrgen adam usynylǵan jumystan bas tartsa, onda jumys izdep júrgen adam avtomatty túrde jumyssyz retinde tirkeledi.
Usynylǵan qujattardyń nemese derekterdiń durystyǵyn anyqtaǵannan keıin halyqty jumyspen qamtý ortalyǵy olar kelip túsken kúnnen bastap bir jumys kúni ishinde jumys izdeýshini jumys izdep júrgen adam retinde tirkeıdi jáne oǵan tirkeý týraly habarlama beredi.
Tirkeý týraly habarlamany berýdi halyqty jumyspen qamtý ortalyǵy jeke kýáligin, onyń ishinde sıfrlyq qujattar servısinen usynǵan kezde qolhat negizinde júzege asyrady.
Habarlanǵandaı, habarlasqan adam aqparattyq-kommýnıkasııalyq tehnologııalar nemese uıaly baılanystyń abonenttik qurylǵysy arqyly jumys izdep júrgen adam retinde tirkelý týraly habarlama alady.
Eger jumyssyz «Elektrondyq eńbek bırjasy» aqparattyq portalyndaǵy «jeke kabınette» mindetti áleýmettik saqtandyrý júıesiniń qatysýshysy bolyp tabylsa, ol jumysynan aıyrylǵan jaǵdaıda Memlekettik áleýmettik saqtandyrý qorynan áleýmettik tólem alý úshin ótinim men bank shotynyń nómirin toltyrady.
Buıryq 2022 jylǵy 1 naýryzdan bastap qoldanysqa engiziledi.
