«Jedel is-sharalar barysynda Almatynyń Shańyraq-2 shaǵyn aýdanynda eki adam ustaldy, olardan tapanshalar men avtomattarǵa tıesili 5 myń patrony bar myrysh jáshikteri, qalqandar men tize tósegishter túrindegi arnaıy quraldar, eki tankke qarsy jaýyngerlik snarıad, tegis uńǵyly myltyq, jeti pnevmatıkalyq myltyq pen tapansha alyndy», dep naqtylady Sanjar Ádilov.
IIM Tergeý departamentiniń bastyǵy jappaı tártipsizdik kezinde jeńil avtokóliktegi kúdiktiler toby «Orýjeınık» ańshylyq dúkenin tonap, 15 tegis uńǵyly myltyq pen 4 oıyq, onyń ishinde optıkalyq kózdeýi bar karabındi urlap ketkenin aıtty.
Urlanǵan qarý odan ári ótkizý maqsatynda Almaty men Almaty oblysynda arnaıy jabdyqtalǵan shrondarda zańsyz saqtalǵan.
«Tergeý barysynda atalǵan adamdardyń Almaty halyqaralyq áýejaıyn basyp alýǵa qatysqany anyqtaldy», dedi Sanjar Ádilov.
Eske sala ketsek, qańtardaǵy tártipsizdikterden keıin áýejaı bir apta boıy jumys istemedi.
Áýejaı qyzmetkerleriniń aıtýynsha, kúdiktiler jalǵa alýshylardyń býtıkterin qıratyp, áınekter men beınekameralardy syndyrdy.
19 qańtarda áýejaı shtattyq rejımde jumys isteı bastady. Áýejaıǵa keltirilgen zalal áli de eseptelýde.
