Nurlan Ábdirov 2021 jylǵy 29 jeltoqsanda OSK Parlament Senatynyń depýtaty Nurlan Naýryzuly Qylyshbaevtyń ókilettigin toqtatýǵa ákep soqtyratyn negizdiń paıda bolýy týraly qaýly qabyldaǵanyn jetkizdi. Sondaı-aq ol «Qazaqstan Respýblıkasyndaǵy saılaý týraly» Konstıtýsııalyq Zańnyń 69 jáne 83-baptaryna sáıkes Senat depýtattaryn shyǵyp qalǵandardyń ornyna saılaýdy olardyń merziminen buryn toqtatylǵan sátinen bastap eki aıdan keshiktirmeı Ortalyq saılaý komıssııasy taǵaıyndaýǵa tıis ekenin aıtty. Joǵaryda aıtylǵandar negizinde OSK sheshimimen shyǵyp qalǵan depýtattyń ornyna Almaty oblysynan Qazaqstan Respýblıkasy Parlamenti Senatynyń depýtatyn saılaý 2022 jylǵy 22 sáýirge taǵaıyndaldy.
Otyrysta OSK tóraǵasynyń orynbasary Konstantın Petrov baıandama jasady. Ol Konstıtýsııaǵa sáıkes otyz jasqa tolǵan jáne sońǵy on jylda el aýmaǵynda jáne tıisti oblystyń, respýblıkalyq mańyzy bar qalanyń ne astananyń aýmaǵynda keminde úsh jyl turaqty turyp jatqan Qazaqstan Respýblıkasynyń azamaty Parlament Senatynyń depýtaty bola alatynyn atap ótti. Sonymen qatar kandıdattyń joǵary bilimi jáne keminde bes jyl jumys ótili jáne belsendi saılaý quqyǵyna ıe bolýy kerek. Sondaı-aq otyrysta Almaty oblysynan shyǵyp qalǵan depýtattyń ornyna 2022 jylǵy 22 sáýirge taǵaıyndalǵan Saılaýdy ázirleý men ótkizý jónindegi negizgi is-sharalardyń kúntizbelik jospary bekitildi. Bul josparǵa sáıkes saılaý naýqanynyń kelesi kezeńderi anyqtaldy:
Kandıdattardy usyný – osy jylǵy 23 aqpannan bastap 22 naýryz saǵat 18-ge deıin (saılaý taǵaıyndalǵan kúnnen keıingi kúnnen bastalady jáne saılaý ótkiziletin kúnge bir aı qalǵanda jergilikti ýaqytpen saǵat on segizde aıaqtalady). Senat depýtattyǵyna kandıdatty usynýdy máslıhattar, sondaı-aq ózin-ózi usyný tártibimen júzege asyrady. Kandıdatty oblystyń barlyq máslıhaty atynan ókildik etetin tańdaýshylardyń jalpy sanynyń keminde on paıyzy, biraq bir máslıhattan tańdaýshylar daýysynyń jıyrma bes paıyzynan aspaıtyn daýys qoldaýǵa tıis.
Tirkeý – osy jylǵy 1 sáýir saǵat 18.00-ge deıin (barlyq qajetti qujatty alǵannan keıin bastalady). Senat depýtattyǵyna kandıdatty tirkeýdi oblystyq, qalalyq nemese aýdandyq máslıhattyń depýtattyqqa kandıdat etip usyný týraly sheshimi (máslıhat usynǵan jaǵdaıda); depýtattyqqa kandıdat bolyp daýysqa túsýge kelisimi týraly ótinishi (nemese ózin ózi usynǵan jaǵdaıda azamattyń depýtattyqqa kandıdat bolyp daýysqa túsý nıeti týraly ótinishi); tıisti saılaý komıssııasynyń kandıdatty qoldap qoıǵan tańdaýshylardyń qoldaryn tekserý nátıjeleri týraly hattamasy; kandıdattyń ómirbaıandyq derekteri; memlekettik kiris organynyń kandıdat pen onyń zaıybynyń (jubaıynyń) aktıvteri men mindettemeleri týraly deklarasııalar tapsyrǵany týraly anyqtamasy; kandıdattyń saılaý jarnasyn engizgenin kýálandyratyn 900 000 teńge somasynda qujat bolǵan jaǵdaıda júzege asyrylady.
Eger saılaý qorytyndylary boıynsha kandıdat Senat depýtaty bolyp saılanǵan nemese daýys berý qorytyndysy boıynsha kandıdat daýys berýge qatysqan tańdaýshylar daýsynyń keminde bes paıyzyn alǵan jaǵdaıda, sondaı-aq kandıdat qaıtys bolǵan jaǵdaıda engizilgen jarna kandıdatqa qaıtarylady. Qalǵan barlyq jaǵdaıda engizilgen jarna qaıtarylýǵa jatpaıdy jáne respýblıkalyq bıýdjet kirisine alynady.
Saılaý aldyndaǵy úgit 1 sáýir saǵat 18.00-den 21 sáýir saǵat 00.00-ge deıin (kandıdattardy tirkeý merzimi aıaqtalǵan sátten bastalady jáne saılaý bolatyn kúnniń aldyndaǵy kúngi jergilikti ýaqyt boıynsha nól saǵatta aıaqtalady). Tynyshtyq kúni –. 21 sáýir, al daýys berý kúni – 22 sáýir.
Saılaý zańnamasyna sáıkes Senat depýtatynyń saılaýynda daýystardy sanaý nátıjeleri daýys berýge arnalǵan pýnktte ótkiziletin Almaty oblystyq saılaý komıssııasynyń otyrysynda belgilenedi. Senat depýtatyn saılaý qorytyndylaryn Ortalyq saılaý komıssııasy saılaý ótkizilgen kúnnen bastap jeti kún merzimnen, ıaǵnı bıylǵy 28 sáýirden keshiktirmeı belgileıdi jáne saılaý qorytyndysy týraly BAQ-ta habar jarııalaıdy.
