Almaty qalasynyń ákimdigine habarlama 8 aqpanda túsken. Onda qalanyń ekologııalyq jaǵdaıyna alańdaýshylyq bildirý maqsatynda saǵat 12.00-den saǵat 14.00-ge deıin «Shoqan Ýálıhanov» atyndaǵy saıabaqta mıtıng ótkizý suralǵan. Qatysýshylardyń boljamdy sany 20-dan 60 adamǵa deıin.
Vedomstvo málimetinshe, mıtıng «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań talaptaryna saı.
«Sondyqtan, zańǵa sáıkes, Almaty qalasy ákimdiginiń 2022 jylǵy 9 aqpandaǵy №1/35 qaýlysy boıynsha kórsetilgen mıtıngini ótkizýge kelisim berildi», delingen habarlamada.
