Birikken ulttar uıymy Eýropalyq ekonomıkalyq komıssııasynyń (EEK) Ishki kólik jónindegi komıtetiniń 75 jyldyǵyna arnalǵan mınıstrlik kezdesý beınekonferensııa rejıminde ótti.
Jıynǵa AQSh, Reseı, Eýropa Odaǵy, Ortalyq Azııa jáne Taıaý Shyǵys elderi qatysty. Qazaqstan delegasııasyna QR Indýstrııa jáne ınfraqurylymdyq damý vıse-mınıstri B.S.Kamalıev jetekshilik etip, halyqaralyq kólik dálizderin qalyptastyrý jáne júk tasymaldarynyń tıimdiligin arttyrý taqyrybynda baıandama jasady.
Keńes barysynda EEK Ishki kólik jónindegi komıtetine qatysýshy eldermen BUU EEK ishki kólik jónindegi komıtetiniń 75 jyldyǵyna arnalǵan kirispe málimdemeleri men resmı jarııalanymy usynyldy. Q
Qabyldaýshy el - Shveısarııa Konfederasııasy mınıstriniń Ishki kólik jónindegi komıtetiniń ótken jetistikteri jáne ornyqty damýdy qamtamasyz etýdegi bolashaq róli týraly baıandamasy tyńdaldy. Budan ári ishki kólik baılanysyna járdemdesý jónindegi topta talqylaý bolyp, vıse-mınıstr B.S. Kamalıev baıandama jasady.
Budan basqa, vıse-mınıstr BUU EEK Ishki kólik jónindegi komıtetine múshe elderdiń Kólik mınıstrlerin salany odan ári damytý boıynsha elimizde qabyldanyp jatqan sharalar týraly habardar etti.
Atap aıtqanda:
- Kaspıı teńizindegi Aqtaý jáne Quryq porttaryn qosa alǵanda, Transkaspıı halyqaralyq kólik baǵdaryn damytý jáne oń nátıjeleri;
- Aqtaý portynda qýaty 100 myń JFB (jıyrma fýttyq balama) asatyn «Konteınerlik hab» qurý jónindegi josparlar;
- 2021 jyldyń qorytyndysynda júkter men konteınerler tranzıtiniń artqany (2021 jyly 1 065,6 myń JFB tasymaldandy, ósim 22%);
– búginde óńirdegi qýatty kólik-logıstıkalyq habqa aınalǵan «Qorǵas-Shyǵys qaqpasy» arnaıy ekonomıkalyq aımaǵyndaǵy qurǵaq portty damytý týraly aıtyp berdi.
Kezdesý qorytyndysynda Ishki kólik jónindegi komıtettiń 75 jyldyǵyn atap ótý jáne «Turaqty ishki kólik pen turaqty damý múddesindegi on jyldyq jetistikterge kirisý» dep atalatyn qarar qabyldandy.
