«Marat Muratuly Ahmetjanov Qazaqstan Respýblıkasynyń Ishki ister mınıstri bolyp taǵaıyndalsyn, ol Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy laýazymynan bosatylsyn», dep jazylǵan QR Prezıdenti qol qoıǵan Jarlyqta.
Ahmetjanov Marat Muratuly 1964 jyly 22 jeltoqsanda dúnıege kelgen.
1991 jyly E.A.Býketov atyndaǵy Qaraǵandy memlekettik ýnıversıtetin bitirgen, zańger.
Eńbek jolyn 1991 jyly taǵylymger qyzmetinen bastap, keıin Temirtaý qalasy prokýratýrasynyń tergeýshisi bolyp qyzmet atqarǵan.
1993-1996 jj. – Bas prokýratýra janyndaǵy Sybaılas jemqorlyqqa qarsy kúres jónindegi arnaıy prokýratýranyń asa mańyzdy ister jónindegi aǵa tergeýshisi, Bas prokýratýranyń Asa qaýipti qylmystardy tergeý basqarmasy aımaqtyq tergeýshiler bóliminiń bastyǵy.
1996-1997 jj. – Memlekettik tergeý komıtetiniń Asa qaýipti qylmystardy tergeý basqarmasynyń bólim bastyǵy, Memlekettik tergeý komıtetiniń Áskerı-tergeý departamenti tergeý basqarmasynyń bastyǵy.
1997-1998 jj. – Ishki ister mınıstrliginiń Áskerı-tergeý departamenti tergeý basqarmasynyń bastyǵy.
1998-2001 jj. – Tergeý departamenti dırektorynyń orynbasary jáne Ádilet mınıstrliginiń Sot qaýlylaryn oryndaý komıteti tóraǵasynyń orynbasary.
2001-2003 jj. – Bas prokýratýranyń Tergeý jáne anyqtaý organdaryndaǵy zańdylyqty qadaǵalaý departamentiniń bastyǵy. 2003-2006 jj. – Pavlodar oblysynyń prokýrory.
2006-2009 jj.– Ońtústik Qazaqstan oblysynyń prokýrory.
2009-2012 jj.–QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń tóraǵasy.
2012-2014 jj. – QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary. 2014-2016 jj. – Atyraý oblysy Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy, Atyraý oblysy Sybaılas jemqorlyqqa qarsy is-qımyl ulttyq bıýro departamentiniń basshysy.
2016-2021 jj. – Qazaqstan Respýblıkasy Bas Prokýrorynyń orynbasary.
2021 jyldyń 16 sáýirinen bastap Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy boldy.
«Qurmet» (2008) jáne II dárejeli«Dańq» (2014) ordenderimen, «Qazaqstan Respýblıkasynyń Táýelsizdigine 10 jyl», «Qazaqstan Konstıtýsııasyna 10 jyl», «Astananyń 10 jyldyǵy» mereıtoılyq medaldarymen, «Reseı flotyna 300 jyl» estelik medali jáne «Admıral Kýznesov» medaldarymen marapattalǵan.
