Ázerbaıjan Respýblıkasynyń Qazaqstandaǵy Elshiliginde ótken basqosýǵa Halyqaralyq Túrki akademııasynyń prezıdenti Darhan Qydyráli, Ázirbaıjan Respýblıkasynyń Qazaqstan Respýblıkasyndaǵy Tótenshe jáne О́kiletti elshisi Atalar Atamoglanov, Túrkııa Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Ýfýk Ekıdjı, Halyqaralyq Túrki akademııasynyń vıse-prezıdenti Fızýlı Madjıdlı, Qazaqstandaǵy dıplomatııalyq mıssııa basshylary, memleket jáne qoǵam qaıratkerleri, BAQ ókilderi men qoǵam belsendileri qatysty.
Taǵylymdy sharaǵa qatysýshylar otyz jyl buryn qyrshynnan qıylǵan júzdegen bozdaqtardy eske alyp, jazyqsyz qurbandardyń rýhyna taǵzym etti.
Jıynda sóz sóılegen Akademııa basshysy D. Qydyráli Holokost, Golodomor, qazaq dalasyndaǵy asharshylyq syndy adamzatqa qarsy jasalǵan kez kelgen alapat apatqa qarsy ekenderin aıtty.
«Mundaı qylmystar dúnıeniń esh jerinde jáne halyqqa qarsy jasalmaý úshin álemdik qaýymdastyq Hodjaly genosıdine ádil baǵasyn berýi kerek. Biz búgin baýyrlas Ázerbaıjannyń elshiliginde ótip jatqan bul sharany qoldaǵanymyzǵa shyn júrekten qýanyshtymyz. Halyqaralyq Túrki akademııasy genosıd qylmysyn aıyptaıdy jáne mundaı qaıǵyly oqıǵalar adamzat tarıhynda eshqashan qaıtalanbasyn dep tileımin», dedi D. Qydyráli.
Sonymen qatar, shara qatysýshylarǵa Túrki akademııasy ázirlegen «Qarabaq: Ázerbaıjannyń jaýhary» jáne «Joǵaltqan baqytym. Qarabaqtyń shynaıy oqıǵalary» atty kitaptar tartý etildi.
