Qoǵam • 28 Aqpan, 2022

«Salamatty aýyldyń» saýaby kóp

Elimizdiń shaǵyn aýyldarynda jastardyń bos ýaqytyn ótkizýge arnalǵan jańa oryndar paıda bolýda. О́zderiniń týǵan jerindegi ómirdi ózgertýge tyrysqan qoǵam belsendileri túrli bastamalardy usynýǵa tyrysady.

Joldybaı BAZAR

Osy oraıda biz Qyzylorda oblysy M.Shámenov atyndaǵy aýyl turǵyndarynyń «Salamatty aýyl» atty jańa sport ortalyǵyn qalaı ashqany týraly sóz etpekpiz.

Jańa nysandy ashý jónindegi bastamany quramynda Sátbaı Seráliuly, Isataı Erbatyr, Narbota Seráli bar top júzege asyra bildi.

Jigitterge bastamany júzege asyrýǵa Aqparat jáne qoǵamdyq damý mınıstrliginiń tapsyrysy boıynsha bólingen shaǵyn grant kómektesti.

«Sport ortalyǵynyń nemese klýbtyń paıda bolýyn bizdiń aýyldyń barlyq turǵyndary armandady. Biz ony ashqan kezde, mundaı oqıǵaǵa barlyǵynyń qanshalyqty qýanǵanyn baıqadyq. О́ıtkeni bizde budan buryn jastardyń bos ýaqytyn ótkizetin jeri joq edi. Sonymen qatar biz óskeleń urpaqtyń ýaqytty paıdaly ótkizgenin qalaımyz, olar sportpen shuǵyldanyp, salamatty ómir saltyn ustansa deımiz. Deni saý ult qana básekege qabiletti bola alatyny belgili. Aýylda turatyn jastar da budan tys qalmaýy kerek. Biz jas urpaqtyń durys joldy tańdaǵanyn qalaımyz», deıdi Sátbaı Seráliuly.

Jastar ózderiniń úlgisimen aýyldastaryna búgingi tańda maqsatty júzege asyrý úshin nıet pen tabandylyq jetkilikti ekenin kórsetti.

О́tken jyly Qazaqstanda «Aýyldaǵy azamattyq bastamalardy damytýǵa baǵyttalǵan is-sharalar keshenin uıymdastyrý» jobasy iske asyrylǵan bolatyn.

Joba aıasyndaǵy barlyq úzdik bastamalar granttyq qoldaý arqyly júzege asty. Osyndaı jobalardyń biri – Qyzylorda oblysy Jalaǵash aýdanynda júzege asyrylyp jatqan «Salamatty aýyl» jobasy.

Sport ortalyǵyna kirý tegin. Barlyq turǵyndar bul jobanyń paıdalylyǵyn baǵalap úlgerdi. Jańa uıymǵa ártúrli jastaǵy adamdar keledi. О́ıtkeni munda sportpen shuǵyldaný úshin qajetti jabdyqtar bar. 500 myń teńge utyp alǵan bastamashyl top ústel tennısine arnalǵan jabdyqty, qabyrǵaǵa ilinetin týrnıkterdi, arnaıy jattyǵý jabdyqtaryn, boks qolǵaptaryn jáne basqa da qajetti kerek-jaraqtardy satyp aldy.

Sátbaı Seráliuly aldaǵy josparlarymen de bólisti. Onyń aıtýynsha, ortalyqta jastar arasynda sporttyq jarystar ótkiziledi dep josparlanýda.

Eske salaıyq, Azamattyq bastamalardy qoldaý ortalyǵynyń qoldaýymen 2021 jyly aýyldyq jerlerdegi ómirdi jaqsartýǵa baǵyttalǵan azamattyq bastamalardy damytý úshin búkil el boıynsha 60 shaǵyn grant iske asyrylǵan bolatyn.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz