Sondyqtan qazir bul sanksııalar úshinshi elderdiń Reseımen yntymaqtastyq múmkindigin qalaı shekteıtinin aıtý qıyn. Bul Qazaqstanǵa qandaı da bir saldaryn tıgizýi múmkin sheshýshi sát.
Sanksııalar reseılik kontragentterdiń seriktesterine qoldanylýy múmkin. Bul jaǵdaıda qazaqstandyq kompanııalar úshin belgili bir saldarlar bolady. Sol kezde qandaı da bir sheshim nemese aınalyp ótetin jol izdeýge týra keledi. Biraq sanksııalarda mundaı opsııanyń bolýy naqty emes. Bul sanksııalar tek reseılik kompanııalarmen ǵana shektelýi múmkin, bul jaǵdaıda Qazaqstan úshin eshqandaı saldar bolmaıdy.
Soǵys qımyldarynyń geoekonomıkalyq saldarlaryna keletin bolsaq, biz Batys elderinde soǵys qımyldary týraly alǵashqy boljamdar aıtyla bastaǵan sátten, Ýkraınadan ketýge keńes berilip, elshilikterdi Kıevten Lvovqa evakýasııalaý bastalǵan kezden bastap munaı baǵasy kóterilgenin kóremiz. Sodan beri munaıdyń 1 barreliniń baǵasy 80 AQSh dollarynan 100 dollarǵa deıin qymbattady. Bul jaǵdaı bir aıǵa jýyq ýaqytqa sozyldy. Mine, bir aı ishinde biz munaıdyń qymbattaýynyń kýási bolyp otyrmyz. Ol 20 paıyzǵa jaqyndap keledi. Túsingenimizdeı, Qazaqstan ekonomıkasy munaı faktoryna, onyń ishinde munaı baǵasyna táýeldi. Sondyqtan qanshalyqty keleńsiz jaǵdaı bolyp jatsa da bul bizdiń ekonomıkamyz úshin osy aspektide oń saldarlarǵa alyp keledi.
Vıacheslav DODONOV,
Prezıdent janyndaǵy
Qazaqstan strategııalyq zertteýler ınstıtýtynyń bas ǵylymı
qyzmetkeri
