Onda birqatar zııaly qaýym ókiliniń Jambyl oblysy basshylyǵyna Dinmuhamed Qonaevtyń 110 jyldyǵyna oraı Taraz qalasynda eskertkishin ornatý týraly usynys-hat joldaǵany jazylǵan bolatyn. Usynys-hatty oblys basshylyǵy da qoldap, tıisti mekemeler osy baǵyttaǵy jumystaryn bastap ketken edi.
Osydan keıin respýblıkalyq «Egemen Qazaqstan» gazetinde D.A.Qonaevtyń monýmentaldy eskertkishine baıqaý jarııalanyp, oǵan Almaty, Nur-Sultan, Shymkent, Jezqazǵan qalalary men Qaraǵandy jáne Jambyl oblystarynan barlyǵy 23 óner týyndysy baq synaǵan-tyn. Músin qoladan quıylady, bıiktigi – 4 metr, quny 49 mln teńge, astyndaǵy tuǵyrynyń bıiktigi de 4 metr, quny 25 mln teńge dep belgilengen edi. Sondaı-aq eskertkishti jetkizý, aınalasyn abattandyrý, t.b. jumystarǵa 10-15 mln teńge ketedi dep josparlanǵan bolatyn.
Qarjy jınaýǵa qordyń Jambyl oblystyq bólimshesi bastamashy boldy. Qordyń qurmetti múshesi, 94 jastaǵy abyz aqsaqal Battal Jańabaev kásipker azamattarǵa úndeý joldap, zeınetaqysynan birinshi bolyp qarjy saldy. Endi osy oryndy bastama aıaqsyz qalmasa eken, onyń túpkilikti júzege asýyna elimizdiń azamattary kóp bolyp kómek qolyn sozsa eken degen tilegimiz bar. «Kóp túkirse – kól» dep beker aıtylmasa kerek. Búginde bar másele qarjyǵa tirelip tur.
B.QOShMAǴANBETOV,
Taraz qalasynyń turǵyny
Jambyl oblysy
