Aldymen komandalar tanymal qazaq ánderiniń aıasynda toptyq tanystyrylymdaryn jasady. Jas zııatkerler aqyndyq ónerimen jáne mýzykalyq daǵdylarymen erekshelendi. Ekinshi kezeńde berilgen áýendi tyńdaı otyryp, ataýy men avtoryn taýyp jaryssa, suraq-jaýap aıdarynda oqýshylar «Qazaqtyń 100 áni» tizimine engen shyǵarmalar týraly bilimderin ortaǵa saldy. Toptyq jumys barysynda komandalar karaokede án aıtyp, halyq jáne estradalyq áýenderdiń ataýy men avtorlaryn sáıkestendirýde shapshańdyqtaryn baıqatty.
«Is-sharada tizimge engen 100 shyǵarmanyń 77-ge jýyǵy atap ótildi. Oqýshylar umyt bolyp bara jatqan mádenı muralardy qaıta jańǵyrtyp, týǵan jerine, tarıhyna, mádenıeti men ónerine degen súıispenshilikterin kórsetti», deıdi joba jetekshisi, pedagog-uıymdastyrýshy ári kýrator Dına Áshirbaeva.
Dombyranyń úninen boıyna qýat alyp, áýezdi áýenderimen aınalaǵa nur shashýdy janyna serik etken qatysýshylar baıqaýdyń berer tárbıelik máni zor dep sanaıdy.
«Qazaqtyń ulttyq mýzyka mádenıetin damytýda alǵash iz salǵan – halyq etnografy Aleksandr Zataevıch. Ol – 1 000 ándi zerttep, notaǵa túsirgen alǵashqy tulǵa. 977 án men 23 kúıdi jınaqqa engizdi. Mektebimizde júrgiziletin «100 án» jobasy bizge HIH ǵasyrdaǵy Aqan seriniń ánderinen bastap, zamanaýı shyǵarmalarmen jaqynyraq tanysýǵa septigin tıgizedi. Bul ánder adamnyń rýhyn kóterip, ishki jan dúnıesin baıytady», deıdi D.Áshirbaeva.
Tartysty ótken saıys qorytyndysy boıynsha 1-shi oryndy 9«V» synybynyń, 2-shi oryndy 9«S» synybynyń, al 3-shi oryndy 9«G» synybynyń oqýshylary ózara bólisti.
Elena RYBINA,
hımııa-bıologııa baǵytyndaǵy Nazarbaev
Zııatkerlik mektebiniń baspasóz hatshysy
QYZYLORDA
