Ile bul jarııalanymǵa Memleket basshysy Qasym-Jomart Toqaev nazar aýdaryp, Qyzylorda oblysynyń ákimine tıisti tapsyrma bergennen keıin sekseýildik ata-analardy kópten alańdatyp kelgen kókeıkesti másele birden oń sheshimin taýyp, oblystyq bıýdjet qarajat esebinen atalmysh kentte 300 oryndyq jańa mektep salyndy.
Al osy problemany keshiktirmeı sheshý qajettigi týraly altynshy shaqyrylymdaǵy Parlament depýtattary Úkimetke, Bilim jáne ǵylym mınıstrligi men Qyzylorda oblysynyń ákimdigine talaı ret depýtattyq saýal joldap, hat jazǵanymen, olarǵa ortalyq jáne jergilikti memlekettik organdardyń bir-birine siltegen syrǵytpa jaýaptaryn alyp, jigerleri qum bolǵan eken. Elimizdiń bas gazetiniń synı jarııalanymy Prezıdenttiń kózine túspese, sekseýildikterdiń janaıqaıy oblystyq jáne ortalyq memlekettik organdardaǵy sheneýnikterdiń halyq únine ábden taskereń bolyp qalǵan qulaqtaryna jetýi neǵaıbil edi.
О́kinishke qaraı, olardyń qulaqtarynyń «múkisi» Memleket basshysy 2019 jylǵy 1 qyrkúıekte jarııalaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynda «Halyq únine qulaq asatyn memleket» tujyrymdamasyn usynǵannan keıin de ashylyp kete qoıǵany shamaly sekildi. Buǵan Májilis depýtaty Meırambek Tólepbergenniń byltyrǵy 29 jeltoqsanda Vıse-Premer Eraly Toǵjanovqa joldaǵan depýtattyq saýaly aıǵaq.
«2021 jylǵy 2 qarashada Parlament Májilisiniń depýtattary Sizdiń atyńyzǵa depýtattyq saýal joldaǵan bolatynbyz. Onda jalpy bilim beretin qazaq mektepteriniń 4-synyp oqýshylaryna arnalǵan «Rýsskıı ıazyk» oqýlyǵynda jiberilgen qatelikter jóninde jazǵanbyz. Atap ótsek, 2019 jyly «Almatykitap» baspasynan 260 myń taralymmen shyqqan oqýlyqta Memlekettik rámizder avtorlarynyń aty-jóninde óreskel qatelikter oryn alǵan. Birinshiden, Memlekettik Týdyń avtory Sh.Nııazbekovtiń tegi Nııazbaev dep jazylǵan, keıingi eki jylda qaıta basylǵan 40 myń taralymda bul túzetilse de, Memlekettik Gımn avtorlarynyń biri, ataqty kompozıtor Sh. Qaldaıaqov múldem enbeı qalǵan.
Mine, osy máseleni kóterip jazǵan depýtattyq saýalymyzǵa Bilim jáne ǵylym birinshi vıse-mınıstri Sh. Karınovadan kelgen jaýap qanaǵattanarlyqsyz dep aıtýǵa týra keledi. Mınıstrliktiń jańartylǵan bilim berý mazmunyn engizý bastalǵanyn, úlgilik oqý josparlary men baǵdarlamalary bekitilgeni jáne taǵy basqa is-sharalardyń qolǵa alynyp jatqanyn baıandaýmen shektelgen. Al depýtattyq saýalǵa negiz bolyp otyrǵan másele – atalmysh oqýlyq, búgingi tańda sol oqýlyqta ketken qatelikter qalaı túzetilip otyrǵany týraly eshteńe aıtylmaǵan. Bul jóninde bir aýyz sóz joq», depti májilismen. Senat depýtattary da osy maǵynalas pikirde eken. Buǵan senator Murat Baqtııarulynyń Úkimetke bıylǵy 27 qańtarda joldaǵan depýtattyq saýalynda: «Úkimet basshysyna, Úkimet múshelerine senatorlar qoǵamda ár túrli salaǵa qatysty depýtattyq saýaldar joldap jatamyz. Biraq alatyn jaýaptarymyz naqty bolmaı, eki ushty bolyp keledi. Sondyqtan da depýtattyq saýaldarǵa bir japyraq qaǵazben ǵana jaýap qaıtara salýǵa endigi arada jol berilmegeni abzal! Ár depýtat saýalyna zerdelep baryp, jaýap berý jolǵa qoıylýy kerek», degeni dálel.
Demek «Eger Úkimet músheleri depýtattardy tyńdamasa, onda kimdi tyńdaıdy?» degen oı týyndaıdy. Jańa Qazaqstandy qurýǵa kirisken jańa Úkimetimiz eń aldymen Memleket basshysynyń «Halyq únine qulaq asatyn memleket» tujyrymdamasyn buljytpaı iske asyrǵany jón emes pe? Al Parlament depýtattarynyń artynda saılaýshylar hám halyq turǵany málim.
