Qazaqstan • 04 Naýryz, 2022

Koreı ultynyń shynaıy alǵysynyń belgisi

70 ret kórsetildi

Aqtóbede Alǵys aıtý kúnine oraı «Aqtóbe oblysy koreıleriniń qazaq halqyna alǵysy» músindik kompozısııasynyń saltanatty ashylý rásimi ótti. Is-sharaǵa Qazaqstan halqy Assambleıasy Tóraǵasynyń oryn­ba­sary Marat Ázilhanov, oblys ákimi Ońdasyn Orazalın, Koreıa Res­pýb­lı­kasynyń Qazaqstandaǵy Tótenshe jáne ókiletti elshisi Ký Hong-sok, Koreıa Respýblıkasy elshiliginiń konsýly Mıss Kım Von Ion, sondaı-aq QHA músheleri, etnomádenı birlestikterdiń tóraǵalary qatysty.

«О́tken ǵasyrdyń 30-jyldarynda koreı halqynyń basyna qandaı aýyr taýqymet túskenin bárimiz bi­le­miz. Koreı ultynyń 100 myńǵa jýyq ókili qaqaǵan qysta júk vagondarymen aıdalaǵa jer aýdarylyp kelgende, keńpeıil qazaq halqy olardy jatsynbaı baýyryna basyp, qıyn-qystaý zamanda kómek qolyn sozǵan edi. Búgin bizdiń dostyǵymyz ben yntymaǵymyzdyń beriktigi – halqymyzdy biriktiretin aıtýly oqı­ǵalardy eske alyp, ótken tarıhty jadymyzda saqtaý. Sondyqtan jańa kompozısııanyń ashylýy bizdiń qoǵamnyń ómirlik kúshi yntymaǵymyz ben birligimizde ekeniniń taǵy da bir aıqyn dáleli», dedi Marat Ázilhanov.

QHA Tóraǵasynyń orynbasary aksııanyń bastamashylaryna shynaıy alǵysyn bildirip «Aqtóbe oblysynyń koreıler qaýymdastyǵy» qoǵamdyq birlestiginiń tóraǵasy K.V.Shaıǵa «Halyq alǵysy» medalin tabystady. Sondaı-aq joǵary mártebeli Koreıa elshisi Ký Hong-sok myrza men konsýl Kım Von Ion hanymǵa eki eldiń dostyǵy men yntymaqtastyǵyn damytýǵa ár­da­ıym atsalysatyndary úshin óziniń aıryqsha iltıpatyn jetkizdi.

Aqtóbe oblysynyń ákimi O.Oraza­lın: «1930-1940-jyldardaǵy­­ ­jap­­paı jer aýdarý kezeńinde túrli etnos ókilderi halqymyzdyń qonaq­jaılylyǵynyń arqasynda Qazaq­stan­da baspana ta­ýyp, jańa ómirge qol jetkizdi. Eń su­ra­pyl aıazda qazaq halqynyń qonys aýdarýshylarǵa degen shynaıy qarym-qatynasy ar­qy­ly jan dúnıelerine jylýlyq syılady. Búgingi tańda sol qıyn-qystaý kezeńde qoldaý kórsetken jer men halyqqa alǵys retinde koreı etnosynyń ókilderi qazaq halqyna ózara qurmet, senim, dostyq pen barsha qazaqstandyqtyń birliginiń nyshanyn beıneleıtin osy jarqyn músindik kompozısııa túrinde sheksiz qurmet kórsetti», dedi.

Ký Hong-sok quttyqtaý sózinde: «Osy­dan 85 jyl buryn Stalın úki­metiniń buıryǵymen koreıler Qıyr Shyǵysta poıyzǵa otyr­ǵy­zy­lyp Qazaqstanǵa kúshtep qonys aýda­rylǵan. Sol kezde Qazaq­stan hal­qy asharshylyq pen sharýa­shy­lyq­tyń toqyraýy saldarynan qıyn jaǵdaıda bolǵanyna qaramastan, koreılerge baspana, kıim-keshek, azyq-túlik jaǵynan kómek qolyn sozyp, olardy jaqyn kórshi, otbasy múshesi retinde qarsy aldy. Bul es­kertkishtiń ashylý saltanaty sol qıly zamanda qazaq eliniń koreılerge degen yntymaqtastyǵynyń asqaq rýhyn eske alyp, qurmet kórsetýdiń belgisi», dedi.

«Bul músindik kompozısııa qazaq halqynyń jer aýdarylǵandarǵa degen keńpeıildigi men meıirimdiligin ashyp kór­setedi», dedi Konstantın Shaı qa­zaq eline shynaıy rızashylyǵyn bildire otyryp.

Atalǵan týyndy qazaq jáne koreı áıelderiniń músininen turady. Deportasııanyń qıyn kezeńinde koreı ultynyń myńdaǵan ókilderiniń aman qalýyna kómektesken qazaqtardyń qo­naqjaılyǵynyń sımvoly retinde qazaq áıeli koreı áıeline qymyz qu­ıyl­ǵan ydysty usynyp tur. Áıel­der ózderiniń ulttyq kıimderin kıgen. Koreı áıeliniń arqasynda bala – bul koreı ultynyń balalardy alyp júrýiniń dástúrli tásili. Aq qustyń aıshyqty qanattary qazaq ultynyń sımvoly shańyraqty ustap tur. Áıel­der­diń arǵy jaǵynda shańyraqty ustap turǵan aq qustyń aıshyqty qa­naty – qazaqtarǵa arnalǵan úıdiń ny­shany. Shańyraq kúndi beıneleıdi.

Osy kúni Marat Ázilhanov Aqtóbe oblystyq QHA múshelerimen, onyń qoǵamdyq qurylymdarymen, ÚEU ókilderimen jáne «Jastar Assam­bleıa­sy» jastar qanatymen kezdesý ótkizip, jalpyulttyq birlik pen kelisim, jas­tar­dyń boıyndaǵy parasattylyq qun­­dylyqtardy qalyptastyrý, qazaq­standyq patrıotızmdi damytý máse­le­leri tóńireginde oı qozǵady. Oǵan qosa Assambleıa jumysynyń jańa ba­­ǵyttary boıynsha usynystar tal­qy­landy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar