Abaı atyndaǵy QazUPÝ rektory Darhan Bilálov «Áleýmettik ınklıýzıvti baǵdarlamalar ortalyǵy» qoǵamdyq qorynyń ókilderimen kezdesip, ınklıýzıvti bilim berý kadrlaryn, pedagog-assıstent retinde tıýtorlardy daıarlaýdaǵy yntymaqtastyq máselelerin talqylady. Osy oraıda belgili bir bilim berý baǵdarlamalary boıynsha mamandanýǵa múmkindik beretin qosymsha kýrstar ótkizý, tıýtorlardy kásibı qaıta daıarlaý baǵdarlamasyn iske asyrý jáne olardyń jumysyn ádistemelik súıemeldeý máseleleri de mańyzdy.
Abaı ýnıversıtetiniń Almaty qalasy men elimizdiń bilim salasynyń naqty máselelerin sheshýge baǵyttalǵan belsendi ýnıversıtet retindegi mindetterine toqtalǵan rektor mekteptermen tyǵyz jumys jasaý, qazirgi tańda suranysqa ıe kadrlardy qaıta daıarlaý, sondaı-aq jumys berýshilermen jáne «О́rleý» ortalyǵymen ózara baılanys ornatý, stýdentterdiń praktıkasyn ótkizý máseleleri jaıynda aıtyp ótti.
Ýnıversıtet rektory sonymen birge bilim alýǵa teń quqyqty jáne onyń múmkindigi shekteýli balalar úshin qoljetimdiligin, olardy oqytýdyń qolaıly baǵytyn tańdaýdy qamtamasyz etetin ınklıýzıvti bilim berýdi damytý úshin yntymaqtastyqqa daıyndyǵy men psıhologııalyq testileý quraldaryn qoldaný qajettigine de toqtaldy.
«О́kinishke qaraı, Qazaqstanda tıýtorlardyń kómegine muqtaj balalar sany artyp keledi. Biz buǵan daıyn bolýymyz kerek. Árbir bala fızıkalyq, ıntellektýaldyq, áleýmettik, emosıonaldyq, tildik jáne basqa da erekshelikterine qaramastan, bilim alyp, bizdiń qamqorlyǵymyzdy alýy kerek», dedi D.Bilálov.
«Áleýmettik ınklıýzıvti baǵdarlamalar ortalyǵy» qoǵamdyq qorynyń prezıdenti Saltanat Mýrzalınova-Iаkovleva ortalyqtyń qyzmeti men pedagog-tıýtorlardy qaıta daıarlaý qajettiligine toqtalyp, bilikti kadrlar tapshylyǵyn atap ótti. Onyń aıtýynsha, Qazaqstanda mundaı mamandarǵa degen qajettilik jyl saıyn artyp keledi.
Kezdesýge qatysýshylar osy mańyzdy saladaǵy yntymaqtastyqty nyǵaıtý jóninde pikir almasty.
