18 aqpan men 1 naýryz aralyǵynda Qazaqstan Respýblıkasynyń aýmaǵyna fıtosanıtarııalyq táýekeli joǵary karantınge jatqyzylǵan ónimdi zańsyz ákelýdiń 31 faktisi áshkerelenip, joly kesildi.
«Atap aıtqanda 14 jaǵdaıda Reseı Federasııasynan 152,7 tonna jemis-jıdek pen sábiz, Irannan 45,2 tonna alma jáne Ońtústik Koreıadan 1 tonna júgeri unyn ımporttaý kezinde fıtosanıtarııalyq sertıfıkattardyń joqtyǵy anyqtaldy.
Sonymen birge Reseı Federasııasynan 113 tonna un, júgeri, qurma, lımon, banan, kókónister men basqa da jemister, Túrkııadan 80,4 tonna keptirilgen órik pen Anar jáne О́zbekstannan 123,3 tonna keptirilgen jemis ımporty kezinde ónim qaıtalama tekserýge usynylmaýdyń 11 jaǵdaıy belgili boldy», delingen mınıstrlik habarlamasynda.
Vedomstvonyń habarlaýynsha 3 jaǵdaıda Reseı Federasııasynan 20 tonna kebek pen 30 tekshe metr kesilgen aǵash materıaldary men О́zbekstannan 5,4 tonna anar ımporttaǵan kezde oramdarda tańbalaý bolmaı shyqty.
«Buǵan qosa Reseı Federasııasynan 40 tonna lımon ımporty kezinde ýákiletti organnyń ruqsatynsyz júrý jolynda ónimniń basqa meken-jaıǵa jiberilgeni áshkere boldy. Sondaı-aq Qytaı Halyq Respýblıkasynan 58 tonna asqabaq ıadrosynyń tuqymyn ákelý kezinde karantındik ónim jaramsyz fıtosanıtarııalyq sertıfıkatpen ákelingen.
QR ÁQBtK-niń 400-babyna sáıkes, ósimdikter karantıni salasyndaǵy zańnamanyń buzylýyna jol bergen kináli tulǵalarǵa ákimshilik materıaldar toltyrylyp, 1,9 mln teńgeden astam somaǵa aıyppul salyndy.
Sonymen qatar, jyl basynan beri Qazaqstan Respýblıkasy Aýyl sharýashylyǵy mınıstrligi ósimdikter karantıni salasynda 320 buzýshylyqty anyqtap, nátıjesinde 24 mln teńgeden astam somaǵa ákimshilik aıyppul salyndy», dep jazdy Aýyl sharýashylyǵy mınıstrligi.
