Túrkııa Respýblıkasynyń vıse-prezıdenti Fýat Oktaı Túrkistan qalasyna jumys saparymen keldi. Delegasııa Q. A. Iаsaýı atyndaǵy Halyqaralyq qazaq-túrik ýnıversıtetiniń ujymymen kezdesý ótkizdi.
Jıynǵa Túrkistan oblysynyń ákimi О́mirzaq Shókeev, Q.A.Iаsaýı atyndaǵy HQTÝ О́kiletti keńesiniń tóraǵasy, professor Mýhıttın Shımshek, ýnıversıtet rektory Janar Temirbekova jáne oqytýshy-professor quramy men stýdentter qatysty.
Túrkııa Respýblıkasynyń vıse-prezıdenti Fýat Oktaı Qazaqstan Respýblıkasyna resmı sapary aıasynda Memleket basshysy Qasym-Jomart Toqaev jáne Premer-mınıstr Álıhan Smaıylovpen kezdeskenin baıandady.
Ekijaqty kezdesýlerdiń baýyrlas elderdiń yntymaqtastyǵyn jańa deńgeıge kóteretinin atap ótti. Ál-Farabı, Júsip Balasaǵun, Qoja Ahmet Iаsaýı syndy ǵulamalar murasynyń ózektiligin tilge tıek etip, Abaı Qunanbaıulynyń ǵylymǵa úndegen týyndysynan úzindi oqydy. Konserttik baǵdarlamadan keıin Fýat Oktaı qonaq ýnıversıtet aýmaǵynyń maketimen tanysyp, «Tóraǵalar alleıasyna» aǵash otyrǵyzdy.
Sonymen birge Túrkistan qalasyndaǵy birqatar mádenıet jáne rýhanııat nysandaryn aralap, Túrkistandaǵy ózgeristerdi joǵary baǵalady. Oqý ornynyń О́kiletti keńes tóraǵasy, professor Mýhıttın Shımshek qadirmendi qonaqty ýnıversıtet qabyrǵasynda meıman etý – oqý orny úshin úlken mártebe ekendigin atap ótti.
Oqý ordasynda júzege asyp jatqan irgeli jumystardy baıandady. Ýnıversıtet rektory Janar Temirbekova jáne rektor ókili Jengız Tomar sóz sóılep, Fýat Oktaıǵa bilim men ǵylymnyń damýyna qosqan úlesi úshin «Qurmetti professor» akademııalyq ataǵy berilgenin atap ótip, mantııasyn kıgizip, qujatyn tabystady.
