«Atamekenniń» málimetinshe, Ulttyq kásipkerler palatasy, Qazaqstannyń Ýkraına, Polsha Respýblıkasy, Belarýs, Reseıdegi elshilikteri, ındýstrııa jáne ınfraqurylymdyq damý mınıstrligi ókilderiniń birlesken kúshimen júrgizýshiler úıine qaıtyp keledi.
«Ulttyq palata barlyq atsalysqan adamǵa alǵys bildiredi. Bárimiz birge 41 júrgizýshige Ýkraınadan shyǵýǵa kómektestik. Sonymen qatar júrgizýshilerimiz jolaýshy retinde Polsha shekarasyna Qazaqstannyń 3 azamatyn ákele jatyr. Qazir shuǵyl túrde taǵy 16 júrgizýshige úıge qaıtý úshin qaýipsiz jolmen kórshi elderge shyǵýǵa kómektesýdi sheship jatyrmyz», – dedi «Atameken» UKP Logıstıka jáne tasymaldaý departamentiniń dırektory Murat Amrın.
Qazirgi kezde Ýkraınada qalyp qoıǵan 16 júrgizýshi ishinen: 4 júrgizýshi Chernıgovte áskerı is-qımyl saldarynan shyǵa almaı jatyr, 1 júrgizýshi Troebortnoe (Reseı) ótkizý beketinen 70 shaqyrym jerde qozǵalyssyz tur, 2 júrgizýshi Slabojansk qalasynda, 4 júrgizýshi Polshaǵa qaraı baǵyt alǵan jáne taǵy 4 júrgizýshi Harkov aýdanynda tur. Taǵy 1 júrgizýshi Reseı shekarasynan 100 shaqyrym jerde qalǵan.
