Shymkentte bir áıel qyzyn uryp óltire jazdady

Shymkent qalasyndaǵy 8-shaǵyn aýdanda turatyn 36 jasar áıel óziniń 5 jasar qyzyn uryp óltirip qoıa jazdady. Bul týraly otyrar.kz habarlady. Oqıǵaǵa kýá bolǵandar kishkentaı qyzdyń shyńǵyrǵan daýsy shaǵyn aýdanǵa túgeldeı derlik estilgenin aıtady. Osy aıqaıǵa kórshileri men 65/06 áskerı bólimniń qyzmetkerleri júgirip kelgen. Kórshilerdiń aıtýlarynsha, áıeldiń qolynan balany tartyp almaq bolǵandarynda, ol qyzyn basy men ishinen qolymen de, aıaǵymen de urýyn jalǵastyra bergen. «Men kórshi aýlada turamyn. Soǵan qaramastan, balanyń qulyndaı shyńǵyrǵan daýsy bizdiń úıge deıin estildi. Men júgirip jetip, balany art jaǵyma qaraı jasyrmaq bolǵanymda, anasy ony ishinen tebe bestady. Men sosyn polısııa shaqyrttym», - dedi kóz kórgenderdiń biri. Oqıǵa ornyna jergilikti ýchaskelik ınspektor men jedel járdem qyzmetkeri keldi. Dárigerler balanyń basyna gematoma qalyptasyp, mańdaıyna jara túskenin, sondaı-aq beti túgel qantalap ketkenin anyqtady. Abaı polısııa bólimshesi bastyǵynyń orynbasary Baǵdat Asanov medısınalyq tekserý óz qyzyn osynshalyqty aıaýsyz urǵan áıelde psıhıkalyq aýytqýshylyq bar ekenin málimdedi. Ol psıhonevralogııalyq dıspanserge jiberildi. Taıaq jegen bala qazir oblystyq balalar aýrýhanasynaǵa jatqyzyldy. Tergeý amaldary bastalyp ketti. Bul Shymkent qalasynda taıaý kúnderde oryn alǵan bala urýdyń ekinshi óreskel jaǵdaıy bolyp otyr. Budan buryn 38 jastaǵy áıel 2 jasar qyzyn ólimshi etip uryp, sonyń saldarynan náreste qaıtys boldy. Al sondaı aýyr soqqylar alǵan 4 jasar ekinshi qyzy qazir aýyr halde aýrýhananyń jansaqtaý bóliminde jatyr. Qurysh Nurymbet. Derekkóz: otyrar.kz. Foto: rnns.ru.