Ol 1978 jyly 10 qarashada Mońǵol Halyq Respýblıkasynyń Baıanólgeı aımaǵynda dúnıege kelgen. 2000 jyly E.Bóketov atyndaǵy Qaraǵandy memlekettik ýnıversıtetiniń jýrnalıstıka fakýltetin bitirgen.
«Jas Alash», «Astana aqshamy» gazetterinde eńbek jolyn bastaǵan. «Folıant» baspasynda bas redaktor, «Qazaqstan temirjolshysy», «Aıqyn» gazetterinde tilshi, QR Joǵarǵy soty men Ádilet mınıstrligine qarasty «Zań» medıakorporasııasynda Astana ókildiginiń dırektory, «Alash aınasy» gazetinde Astana bıýrosynyń jetekshisi bolǵan. Sonymen qatar Qazaqstan Respýblıkasy Prezıdenti ákimshiliginde qyzmet etken.
Keıingi jyldary Halyqaralyq Túrki akademııasynyń Baspa jáne kitaphana bóliminiń meńgerýshisi bolyp jumys istedi.
Eske salsaq, Jandos Bádeluly buryn da «Egemen Qazaqstan» respýblıkalyq gazeti» aksıonerlik qoǵamy Basqarma tóraǵasynyń orynbasary bolyp eńbek etken. Ol 2017 jyly bul laýazymnan óz ótinishimen bosatylǵan.
