Úkimet • 11 Naýryz, 2022

Premer-Mınıstr ońtústikte sý tapshylyǵyn joıýdy tapsyrdy

54 ret kórsetildi

QR Úkimetinde Sý keńesiniń alǵashqy otyrysy ótti, dep habarlaıdy Egemen.kz Úkimettiń baspasóz qyzmetine silteme jasap.

QR Premer-Mınıstri Álıhan Smaıylov Sý keńesiniń alǵashqy otyrysyn ótkizdi, otyrysta Qyrǵyz Respýblıkasymen elektr energııasymen taýar almasý jáne Qazaqstannyń ońtústik óńirlerin sýmen qamtamasyz etý máseleleri qaraldy. Qazaqstanda sý resýrstaryn basqarý júıesin jetildirý maqsatynda QR Premer-Mınıstriniń tóraǵalyǵymen Sý keńesi quryldy. Keńes sý sharýashylyǵy salasyndaǵy saıasattyń ulttyq basymdyqtary máseleleri boıynsha usynystar men usynymdar ázirleýge baǵyttalǵan.

Qazaqstan men Qyrǵyzstan taraptary elektr energııasy jáne sýmen qamtamasyz etý boıynsha taýar almasý týraly ózara tıimdi sharttarda ýaǵdalastyq jasasty.

«Qazaqstannyń ońtústik óńirlerin sýmen qamtamasyz etýge basymdyq beriledi. Áleýmettik tynyshtyq pen azamattardyń ál-aýqaty – Úkimettiń negizgi mindeti. Bul másele erekshe baqylaýda», dedi Á. Smaıylov.

QR Energetıka mınıstrligine Qazaqstanda elektr energııasynyń tapshylyǵyna jol bermeý jáne sur maınıngke qatysty qatań sharalar qoldaný tapsyryldy.

«Sur» maınerlerdi májbúrli túrde óshirý kerek», dedi QR Premer-Mınıstri.

 

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar