«Halyqaralyq gýmanıtarlyq kómek máseleleri jónindegi komıssııa otyrysynyń hattamasyn, sondaı-aq QR Prezıdentiniń tapsyrmasyn oryndaý úshin QR Densaýlyq saqtaý mınıstrligi Ýkraınaǵa gýmanıtarlyq kómek jiberetin bolady.
QR Úkimeti janyndaǵy Halyqaralyq gýmanıtarlyq kómek kórsetý máseleleri jónindegi komıssııa Ýkraına halqyna medısınalyq preparattar partııasyn bólý týraly sheshim qabyldady», - delingen habarlamada.
QR Densaýlyq saqtaý mınıstrligi QR Indýstrııa jáne ınfraqurylymdyq damý mınıstrligimen birlesip Almaty - Katovıse (Polsha) baǵyty boıynsha gýmanıtarlyq júkti áýe kemesimen jetkizý máselesin qarastyrǵan. Ýkraına azamattaryna gýmanıtarlyq kómek 2022 jylǵy 14 jáne 15 naýryzda Almaty qalasynyń áýejaıynan eki reıspen jiberiletin bolady.
Jóneltiletin júktiń jalpy salmaǵy 28,2 tonna jáne 17 túrli dári-dármekter: antıbıotıkter, qabynýǵa qarsy, antıtýssıvti jáne antıgıpertezıvti dáriler bolady. Gýmanıtarlyq júk Almaty halyqaralyq áýejaıynan 14 naýryz kúni jiberiledi (júkteý tıeý jumystary ushýdan 2 saǵat buryn júrgiziledi).
