AMANAT partııasy Saıası keńesiniń múshesi Dınara Sádýaqasova AMANAT partııasy Qoǵamdyq saıasat ınstıtýty dırektorynyń orynbasary bolyp taǵaıyndaldy.
Dınara Sádýaqasova 1988 jyly 5 qazanda dúnıege kelgen. Ál-Farabı atyndaǵy Qazaq ulttyq ýnıversıtetinde «halyqaralyq qatynastar» jáne «halyqaralyq quqyq» (magıstratýra) mamandyqtary boıynsha bilim alǵan. 2012 jyly Reseı halyqtar dostyǵy ýnıversıtetiniń zań fakýltetin bitirdi, al 2018 jyly L.N. Gýmılev atyndaǵy Eýrazııa ulttyq ýnıversıtetinde «halyqaralyq quqyq» mamandyǵy boıynsha PhD ǵylymı dárejesin aldy. Ol Halyqaralyq, sonyń ishinde Kembrıdj ýnıversıtetinde birqatar ǵylymı taǵylymdamadan ótken.
Eńbek jolyn Ál-Farabı atyndaǵy QazUÝ-nyń memleket jáne quqyq ınstıtýtynda ǵylymı qyzmetker bolyp bastady. Dınara Sádýaqasova ár jyldary «Qazaqstandyq halyqaralyq quqyq qaýymdastyǵy» QB atqarýshy dırektory, «Qazaqstannyń Azamattyq Alıansy» ZTB dırektory bolǵan.
2015 jyldyń sáýir aıynan bastap qazirgi ýaqytqa deıin «Biryńǵaı «Jas Ulan» balalar men jasóspirimder uıymynyń tóraǵasy qyzmetin atqarǵan.
