«Dostyq úıinde» ótken saltanatty is-sharaǵa Qazaqstan Jazýshylar odaǵynyń tóraǵasy, Memlekettik syılyqtyń laýreaty, aqyn Ulyqbek Esdáýletov, Nur-Sultan qalasy ákiminiń orynbasary Berik Oraluly, Parlament depýtaty, aqyn Qazybek Isa, satırık-jazýshy Kópen Ámirbek, aqyn, Memlekettik syılyqtyń laýreaty Gúlnar Salyqbaı, ádebıettanýshy, synshy Amangeldi Keńshilikuly, aqyn, fılologııa ǵylymdarynyń doktory Janat Áskerbekqyzy, aqyn, ádebıettanýshy Suraǵan Rahmetuly, aqyn Serikzat Dúısenǵazy syndy elordada turatyn zııaly qaýym ókilderi qatysty. Uıymdastyryp ári keshti júrgizgen Qazaqstannyń eńbek sińirgen qaıratkeri, Halyqaralyq «Alash» ádebı syılyǵynyń ıegeri, Qazaqstan Jazýshylar odaǵy Nur-Sultan qalalyq fılıalynyń dırektory, aqyn Dáýletkereı Kápuly.
Áýelgi sózdi qala ákiminiń orynbasary Berik Oraluly aldy. Ol otyz jyldyqta qazaq rýhanııatynda bolyp jatqan eleýli ózgeristerdi tilge tıek etti. Astana qalasynda sońǵy kezderi bolyp jatqan mádenı-ádebı jańalyqtarmen bólise kelip, aldaǵy ýaqytta astanalyq qalamgerler úshin bar jaǵdaıdy jasaýǵa ákimshilik tarapynan oń sheshimder bolatynyn atap ótti.
Qazaqstan Jazýshylar odaǵynyń tóraǵasy Ulyqbek Esdáýletov óz sózinde Jazýshylar odaǵynyń qazirgi jaǵdaıy, hal-aqýaly, jumys barysy, týyndap jatqan máseleleri men atqarylyp jatqan jumystary týraly egjeı-tekjeıli baıandap ótti. Qazirgi qalamgerlerdiń kúı-jaıyn tilge tıek ete kelip, qalalyq ákimdik tarapynan, ádebı ómirimizdi damytýǵa, elordanyń rýhanı ajaryn aıshyqtaı túsýge barynsha qoldaý bildirýin talap etti.
Kesh sońyna qaraı Kópen Ámirbek, Amangeldi Keńshilikuly, Suraǵan Rahmetuly, Marjan Ershý qatarly qalamgerler sóz alyp, búgingi ádebıettiń ózekti máselelerin ortaǵa saldy.
«Dostyq úıinde» ótken mádenı bas qosýdyń taǵy bir saltanaty, Qazaqstan Jazýshylar odaǵyna jańa múshelerdiń qabyldanýy boldy. Qara shańyraqqa múshe bolǵan barlyq jas qalamgerlerge qutty bolsyn aıtamyz!
Sonymen qatar «Egemen Qazaqstan» gazetiniń tilshileri Arman Sherızat, Oljas Sándibek pen Raýan Qabıdoldınnyń kitaby shyqty.
«Dostyq úıinde» ótken mádenı bas qosýdyń taǵy bir saltanaty, Qazaqstan Jazýshylar odaǵyna jańa múshelerdiń qabyldanýy boldy.
Sondaı-aq, «Egemen Qazaqstan» gazetiniń tilshisi Arman Sherızat Qazaqstan Jazýshylar odaǵyna múshe bolyp qabyldandy.
