Álem • 17 Naýryz, 2022

О́zbekstan Lýgansk jáne Donesk respýblıkalaryn moıyndamaıdy

346 ret

kórsetildi

1 mın

oqý úshin

О́zbekstan syrtqy ister mınıstri Abdýlazız Kamılov Senat otyrysynda Ýkraınadaǵy jaǵdaı boıynsha suraqtarǵa jaýap berdi. Onyń aıtýynsha, О́zbekstan Ýkraınadaǵy jaǵdaıǵa alańdaıdy jáne máseleniń beıbit túrde sheshilgenin qalaıdy. Ol Tashkent eki elmen qarym-qatynasty jalǵastyra beretinin aıtty, dep jazady Egemen.kz centralasian.org-ke silteme jasap.

Arman MANARBEKULY

О́zbekstan Lýgansk jáne Donesk respýblıkalaryn moıyndamaıdy

Foto: Sputnik Ýzbekıstan

Abdýlazız Kamılov sóz arasynda Ýkraınadaǵy qıyn jaǵdaıdy eskere otyryp, Tashkent Kıevke taǵy gýmanıtarlyq kómek jiberetinin aıtty.

Buǵan deıin Ýkraınanyń Tashkenttegi elshisi Mıkola Doroshenko Kıevke 28 tonna gýmanıtarlyq kómek bergeni úshin О́zbekstanǵa alǵys bildirgen.

Kamılov Senat otyrysy kezinde О́zbekstan Ýkraına shyǵysyndaǵy separatıstik qurylymdardy atap aıtqanda, «Lýgansk jáne Donesk halyq respýblıkalaryn» moıyndamaıtynyn málimdedi.

«О́zbekstan Ýkraınanyń táýelsizdigin, egemendigi men terrıtorııalyq tutastyǵyn moıyndaıdy. Lýgansk jáne Donesk halyq respýblıkalaryn moıyndamaımyz», dedi syrtqy ister mınıstri.

Syrtqy saıasat konsepsııasyna súıengen mınıstr О́zbekstan eshqandaı áskerı-saıası bloktarǵa qatyspaıdy jáne áskerin de sheteldegi qaqtyǵystarǵa jibermeıdi deıdi.

Onyń aıtýynsha, Ýkraınaǵa ásker engizgeni úshin Máskeýge salynǵan sanksııa О́zbekstanǵa tikeleı áser etip otyr. Tashkent onyń keri áserin joıýǵa kúsh salady.