foto: inbusiness.kz
«Nurlybaevqa Atyraý oblysy aýyl sharýashylyǵy basqarmasynyń basshysy bola tura, óziniń qyzmet babyn paıdalana otyryp, kooperatıv tóraǵasynyń orynbasary Bısembaevpen adamdar tobynyń aldyn ala sóz baılasýymen, bótenniń múlkin urlady. Iаǵnı AО́K-ǵa ınvestısııalyq sýbsıdııa berý arqyly 83 700 649 teńge jymqyrdy, al, Bısembaevqa kórsetilgen somanyń jartysy 41 900 000 teńgeni ıemdengen degen aıyp taǵyldy», dep habarlady oblystyq sottyń baspasóz qyzmeti.
Sot talqylaýy kezinde aýylsharýashylyq-óndiristik kooperatıvine ınvestısııalyq sýbsıdııa 4 transhpen berilgeni anyqtalǵan. Kooperatıvtiń ınvestısııalyq sýbsıdııa berý týraly ótinishi jáne saraptama uıymynyń ótinishti maquldaýy sottalýshy Qaırat Nurlybaev aýyl sharýashylyǵy basqarmasynyń basshysy laýazymyna taǵaıyndalǵanǵa deıin, ıaǵnı 2019 jyldyń mamyr aıynyń sońynda alynǵan. Al, qalǵan transhtar boıynsha ótinishter burynǵy basqarma basshysynyń ókimimen qurylǵan jumys tobymen maquldanǵan.
«Tergeýmen sottalýshylar arasynda agroónerkásiptik keshen sýbektilerin sýbsıdııalaý úshin bólingen aqsha qarajatyn urlaýǵa aldyn ala sóz baılasýdyń bar ekendigine dáleldemeler usynylǵan joq. Sotta zerttelgen dáleldemelermen ınvestısııalyq sýbsıdııalar berý týraly ótinishke qosa berilgen qujattardyń tolyqtyǵy úshin AО́K qujattaryn qabyldaǵan bólim basshylary jaýapty ekeni anyqtaldy. Saraptama uıymy jáne jumys tobymen obektiniń óndiristik qýattarynyń sáıkestigin tekserý aktisi jasaqtalyp, basshy – sottalýshy Q.Nurlybaevqa usynylǵan. Sonyń negizinde ol sýbsıdııa berýge arnalǵan shartqa qol qoıǵan. Sot otyrysynda jaýaptalǵan Aýyl sharýashylyǵy mınıstrliginiń mamany jumys toby nemese saraptama uıymymen kelisim berilgennen keıin basqarma basshysy shartqa qol qoıýǵa mindetti ekenin, eger qol qoımaǵan jaǵdaıda ol jaýapqa tartylatynyn aıtyp kórsetken. Sottalýshy N.Bısembaev AО́K-de materıaldyq jaýapty tulǵa bolyp tabylmaıdy. Alǵashqy úsh sýbsıdııany alý kezeńinde AО́K-de jumys jasamaǵan jáne quryltaıshysy bolmaǵan. Ol 2020 jyldyń 03 tamyzynda dırektordyń orynbasary bolyp jumysqa ornalasqan. Iаǵnı úshinshi transh sýbsıdııasy alynǵannan keıin jumysqa ornalasqan jáne onymen materıaldyq jaýapkershilik týraly shart jasalmaǵan», dep málim etti sottyń baspasóz qyzmeti.
Aýylsharýashylyq-óndiristik kooperatıvi tóraǵasynyń ótinishimen Bısembaev Atyraý qalasynda qus fabrıkasynyń qosymsha nysandaryn salý úshin sharýashylyq shotynan alynǵan, sýbsıdııa retinde túsken qarjyǵa qurylys materıaldaryn satyp alýǵa kómek kórsetken. Muny kooperatıv ókilderi rastaǵan. Sottalýshylar ınvestısııalyq qarajatty ıemdenbegen. Atalǵan qarajatty aýylsharýashylyq-óndiristik kooperatıvi ıgergen.
«AО́K-ke tıesili qus fabrıkasy jumys isteıdi. Salyqtardy ýaqtyly tóleıdi. Aýdıtorlyq tekserýmen sýbsıdııa berý rásimi anyqtalǵannan keıin 83 700 649 teńge kóleminde berilgen sýbsıdııa tolyǵymen bıýdjetke qaıtaryldy. Qazirgi ýaqytta AО́K-niń azamattyq talap boıynsha bereshegi joq. Prokýror Q.Nurlybaevqa 10 jyl, Bısembaevqa 7 jyl merzimge bas bostandyǵynan aıyrý jazasyn taǵaıyndaýdy surady. Jábirlenýshiniń ókili keltirilgen zııannyń tolyq ótelgenin aıtyp kórsetti. Sottalýshylar men qorǵaýshylar qylmys quramynyń bolmaýyna baılanysty aqtaýdy surady. Sot sottalýshylar Q.Nurlybaev pen N.Bısembaevtyń áreketterinde qylmys quramynyń bolmaýyna baılanysty olardy kinásiz dep tanydy», dep habarlady oblystyq sottyń baspasóz qyzmeti.
Sot úkimi zańdy kúshine engen joq.
