21 naýryzda Aqmola oblysynda saǵat 10.00-de aýa raıynyń qolaısyzdyǵyna baılanysty joldardaǵy barlyq avtokólik túrleri úshin qozǵalysqa shekteý engizildi.
Sonymen qatar, Aqmola oblysynda aýa raıynyń nasharlaýyna baılanysty Qostanaı jáne Soltústik Qazaqstan oblystaryndaǵy keıbir jol ýchaskeleri jabyldy.
Qostanaı oblysy boıynsha Respýblıkalyq mańyzy bar avtojoldar ýchaskelerinde kólik quraldarynyń barlyq túrleri úshin shekteý engizildi:
A-16 «Jezqazǵan-Petropavl» 340-377 shaqyrym (Arqalyq qalasynan Aqmola oblysynyń shekarasyna deıin);
R-36 «Qostanaı-Áýlıekól-Surǵan» shaqyrym 219-232 (Oktıabrskoe kentinen Aqmola oblysynyń shekarasyna deıin).
Petropavl-Jezqazǵan baǵytyndaǵy avtojoldyń jabylǵandyǵy jóninde 112 qyzmeti habarlady.
Sms-habarlamada «Petropavl-Jezqazǵan» A-16 trassanyń 595-624 km jabyq delingen. Kólikterdiń qozǵalysyn shekteýge óńirdegi boran sebep boldy.
Keshe arnaıy qyzmet SQO aýmaǵynda sekýndyna 28 metrge deıin qatty jel turatynyn eskertken bolatyn.
