Poıyzdar qozǵalysyn qaıta jandandyrý shamamen bes aptaǵa sozylady. JR East kompanııasy osy ýaqytqa deıin jabdyqtar men ınfraqurylymǵa 1000-ǵa jýyq zaqym kelgenin rastady. Onyń ishinde 300-ge jýyǵy temirjoldarda oryn aldy. Operator JR East erteń,seısenbide Fýkýsıma prefektýrasyndaǵy Nasýshıobara men Korııama stansııalary men Ivatedegi Ichınosekı jáne Morıoka stansııalary arasyndaǵy jumys jandanatynyn málim etti.
Atap aıtqanda 2 sáýirge taman Korııama men Fýkýsıma arasynda júrdek poıyz júretin bolady, al eki kúnnen keıin Sendaı men Ichınosekı arasyndaǵy qatynas qalpyna keltiriledi.
Jeksenbi kúni operator Mııagı prefektýrasynyń Shıroıshı qalasyndaǵy stansııadan 2 shaqyrymdaı jerde joldan taıǵan 17 vagondyq poıyzdy shyǵarýǵa kiristi. Barlyǵy 17 vagonnyń 16-sy relsten shyǵyp ketken.
Aıta ketsek, ótken sársenbi kúni keshke qaraı Fýkýsıma prefektýrasynda 7,4 baldyq jer silkinisi bolyp, birneshe prefektýrada úsh adam qaza tapqan edi, 200-den astam adam jaraqat aldy.
