Máselen, 22 naýryzda saǵat 01:23-te Nur-Sultan qalasynyń Baıqońyr aýdanynda aınalma jolda TJD qutqarýshylary qar qursaýynda qalǵan jeńil avtokólikten 7 adamdy, onyń ishinde 2 balany Nur-Sultan qalasyna jetkizdi. Qutqarylǵandar medısınalyq kómekti qajet etpedi. Avarııalyq-qutqarý jumystaryna Nur-Sultan qalasy TJD 2 qutqarýshysy men 1 birlik tehnıkasy jumyldyryldy.
22 naýryzda Arqalyq qalasynda, Amangeldi jáne Áýlıekól aýdandarynda TJD kúshteri avtojoldarda qar qursaýynda qalǵan avtomobılderden 32 adamdy, onyń ishinde 5 balany jaqyn mańdaǵy eldi mekenderge jetkizdi. Qutqarylǵandar medısınalyq kómekti qajet etpedi. Avarııalyq-qutqarý jumystaryna Qostanaı oblysy TJD 7 qutqarýshysy men 2 birlik tehnıkasy jumyldyryldy.
22 naýryzda saǵat 14.30 – da Qarqaraly aýdanynda Qaraǵandy – Aıagóz-Buǵaz avtojolynyń 207 shaqyrymynda, Qarqaraly qalasynan 7 shaqyrym jerde Qaraǵandy oblysynyń TJD qutqarýshylary qar qursaýynda qalyp qoıǵan Toyota Carina avtokóliginen 4 adamdy qutqaryp, Qarqaraly qalasyna jetkizdi. Qutqarylǵandar medısınalyq kómekti qajet etpedi.
22 naýryzda túngi 22:10-da Aqtoǵaı aýdanynda Aqoı-Aqtoǵaı-Balqash avtojolynyń 160 shaqyrymynda, Qaraǵandy oblysy TJD kúshimen jáne «Berer» JShS qyzmetkerlerimen qardan tazalanǵan ýchaskege 16 jeńil avtokólik shyǵaryldy. Salonda 48 adam, onyń ishinde 7 bala boldy. Qutqarylǵandar medısınalyq kómekti qajet etpedi.
Budan basqa, 23 naýryzda saǵat 13:30-da Amangeldi aýdanynda Amantoǵaı aýylynan 15 shaqyrym jerde oblystyq mańyzy bar avtojolda Qostanaı oblysy TJD men jergilikti atqarýshy organnyń kúshterimen avtojoldyń tazartylǵan ýchaskesine 4 jeńil kólik súırep shyǵaryldy. Avtokólikterde 19 adam, onyń ishinde 2 bala bolǵan. Medısınalyq kómekti qajet etpedi. Avarııalyq-qutqarý jumystaryna TJD 2 qyzmetkeri men 1 birlik tehnıkasy, jergilikti atqarýshy organnyń 1 qyzmetkeri men 1 birlik tehnıkasy jumyldyryldy.
Qazirgi ýaqytta aýa raıyna baılanysty (boran, nashar kóriný, kóktaıǵaq) elimizdiń aýmaǵynda avtojoldardyń 46 ýchaskesinde, onyń ishinde 26 respýblıkalyq (Nur-Sultan q. – 6, Aqmola – 12, Qaraǵandy – 3, Qostanaı – 1 jáne Pavlodar - 4) jáne 20 oblystyq mańyzy bar (Aqmola – 14 jáne Qostanaı - 6) avtojoldar jabyq.
Joldardaǵy TJ-ny joıý jónindegi respýblıkalyq jedel shtab jumys istep jatyr. Osyndaı shtabtar óńirlerde de qyzmet atqarýda. Oblystyq jedel shtabtardyń aqparaty boıynsha blok-beketterde 915 birlik tehnıka tur. Onyń ishinde 780 birlik jeńil jáne 133 birlik júk avtokólikter bar.
TJM azamattarǵa eldi mekennen shyqqan kezde qaýipsizdik erejelerin saqtaýǵa keńes beredi. Alys jolǵa shyǵar aldynda aýa raıy boljamymen tanysyp, avtokóliktiń tehnıkalyq jaı-kúıiniń durystyǵyna kóz jetkizgen abzal. О́zińizben birge qysyltaıań jaǵdaılarda kómektesetin barlyq qajetti zattardy alyp júrińiz.
«Dármen» mobıldi qosymshasy joldardyń jabylýy jáne daýyldy eskertý týraly habardar bolýǵa múmkindik beredi. Qutqarý qyzmetiniń biryńǵaı telefony 112.
