Zardap shekken kásipkerlerge qoldaý kórsetiledi

«Qazir qalany qalpyna keltirý jáne zardap shekken kásipkerlerge keltirilgen shyǵyndy óteý baǵytynda aýqymdy jumystar atqarylýda», dedi mınıstr. Kásipkerlik zalaldardy anyqtaý bo­ıynsha 128 saraptama taǵaıyndaldy. Onyń 49-y aıaqtaldy, saraptama jasaýǵa 12 jergilikti sarapshy jáne ortalyqtyń aýmaqtyq bólimshelerinen 22 adam tartyldy.

Qańtar oqıǵasy barysynda zardap shekken bıznes ókilderi mınıstrge ózderin tolǵandyrǵan suraqtardy qoıdy. Jekeleı alsaq, olardy sot taýarlyq, qurylys ekonomıkalyq, órt tehnıkalyq, qurylys tehnıkalyq saraptamalardyń júrgizilý merzimi, erejesi tolǵandyrdy.

Qanat Mýsın mınıstrliktiń óz quzyreti sheginde kásipkerlikti qoldaý boıynsha atqaryp jatqan sharalaryna toqtaldy. «Atap aıtqanda, 2021 jyldan bastap jyljymaıtyn múlikke quqyqtardy memlekettik tirkeý merzimin buzǵany úshin ákimshilik jaýapkershilik alynyp tastaldy. Elektrondy tehnıkalyq tólqujat jáne sáıkestendirý jáne tehnıkalyq aqparattaǵy sáıkessizdikterdi anyqtaý boıynsha qorytyndy berý iske qosyldy. 2021 jyldyń qańtarynan bastap 9 myńǵa jýyq elektrondy tólqujat berildi. Blockchain tehnologııasyn paıdalana otyryp, bank kepili sharttaryn tirkeý qyzmeti avtomattandyryldy. 2021 jyldyń 1 maýsymynan bastap 1500-ge jýyq kepil sharty tirkeldi. 2 saǵat ishinde notarıattyq emes mámilelerge quqyqtardy elektrondy tirkeý, sondaı-aq notarıattyq mámileler negizinde jedeldetilgen elektrondy tirkeý sátti júzege asyryldy», dedi mınıstr.

Esterińizge salaıyq, 2021 jylǵy 1 shildeden bastap jyljymaıtyn múlikpen mámilelerdi resimdeý kezinde eksaýmaqtylyq engizildi. Eger buryn mámilelerdi jyljymaıtyn múlik ornalasqan jerdegi notarıýs kýálan­dyrsa, endi taraptar onyń ornalasqan jeri­ne qaramastan kez kelgen notarıýsqa júgine alady. Sáýlet jáne qala qurylysy organ­darynyń jyljymaıtyn múlik obektisin buzǵanyn rastaıtyn qujat berý jónindegi fýnksııalary zańdy túr­de bekitildi. Bul olqylyqty joıý jyl­jymaıtyn múlik derekqoryndaǵy obektiler týraly aqparatty ýaqtyly jańartýǵa jáne tıimdi salyq salýǵa yqpal etedi.

Qanat Mýsınniń aıtýynsha, kásip­ker­ler úshin tirkeý is-áreketterin ońaı­latý boıynsha sharalar qabyldandy. Osylaısha, «Basshyny ózgertý (basshyny taǵaıyndaý, basshynyń mindetin atqarý­shyny taǵaıyndaý, zańdy tulǵanyń múlki men qyzmetin basqarýshyny taǵaı­yn­daý, basshyny laýazymynan shettetý)» qyzmeti avtomattandyryldy. Qyzmet 2021 jyldyń qazan aıynan bastaldy. Zań­dy tulǵalardy, onyń ishinde kommer­sııalyq emes uıymdardy tirkeý salasynda memlekettik qyzmetterdi avtomattandyrý boıynsha jol kartasy bekitildi.

Almaty