Aımaqtar • 25 Naýryz, 2022

Ekologııa mınıstri Petropavldaǵy apat bolǵan jylý ortalyǵyna bardy

47 ret kórsetildi

Soltústik Qazaqstan oblysyna kelgen ekologııa, geologııa jáne tabıǵı resýrstar mınıstri Serikqalı Brekeshev Petropavldaǵy jaqynda apat bolǵan jylý-elektr ortalyǵyna bardy, dep habarlaıdy Egemen.kz.

 

«Ekologııa, geologııa jáne tabıǵı resýrstar mınıstrliginiń jáne óz atymnan qaza tapqan áıeldiń otbasyna, týǵan-týystaryna qaıǵyryp kóńil aıtamyn. Aýyr qasiret. Jylý-elektr ortalyǵynyń jumysshylaryna bar jaqsylyqty jáne jemisti eńbek tileımin», dedi Serikqalı Brekeshov.

Ekologııa mınıstriniń aıtýynsha, Petropavldaǵy jylý-elektr ortalyǵy óńirdegi aýany eń kóp lastaıtyn kásiporyndardyń biri.

Atmosferaǵa taralatyn barlyq zalaldy shyǵaryndylardyń 70%-y osy ortalyqqa tıesili.

«Byltyr 40 myń tonnaǵa jýyq, bıyl 25 myń tonna aýaǵa zııandy zattar taraǵan. Jylý ortalyǵynda kúl úıindisine qatysty da másele bar. Bas dırektordyń aıtýynsha, kásiporynnan jylyna 1 mln tonnadan astam kúl shyǵady. Bul da sheshimin tabýy tıis úlken másele.

Qazirgi ýaqytta kásiporyn kúldi jaı ǵana tógip, úıip jatyr. Bul qaldyqty tıimdi paıdalanýdyń birneshe joly bar. Ony jol salǵanda qoldanýǵa bolady. Qaraǵandy oblysynda sol maqsatta qoldanýda. Sondaı-aq sement óndirisinde de paıdalanýǵa bolady. Bul tehnologııalar burynnan bar, tek kásiporynǵa muny qolǵa alý qajet», deıdi Serikqalı Brekeshov.

,

Jylý-elektr ortalyǵynda mınıstrge karbon shyǵaryndysy týraly, monıtorıng júrgizýdiń avtomattandyrylǵan júıesin jáne ekologııalyq kodekste bar ozyq qoljetimdi tehnologııany engizý boıynsha suraqtar qoıyldy.

«Bul máselelerdi alda birlese qaraýǵa kelistik, ortaq bir sheshimge kelemiz dep oılaımyn. Úzdik qoljetimdi tehnologııalardy engizý arqyly aýany lastaıtyn zattardyń shyǵaryndysyn azaıtýǵa bolady. Ekologııalyq kodekske sáıkes, kompanııa 10 jyl merzimge keshendi ekologııalyq ruqsat alyp, emıssııa tóleýden bosatylady. Biraq biz olardy teksere alamyz, eger kompanııa óz mindetterin oryndamasa, aıyppul salynady», dedi ekologııa mınıstri.

Mamandardyń aıtýynsha, qazirgi ýaqytta apat bolǵan kásiporynnan ekologııaǵa keler qaýip joq. Tútin murjasy qulaǵannan keıin ekologııa departamenti sanıtarlyq-qorǵanysh aımaǵynda monıtorıng júrgizdi. Aýany lastaıtyn zattardyń normadan joǵary shyǵaryndysy bolǵan joq. Qazir de mamandar baqylaýda ustap otyr. Budan bólek «Qazgıdromet» kúndelikti monıtorıng júrgizedi.

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar