Onyń aıtýynsha, Memleket basshysynyń Joldaýyn iske asyrý jónindegi jalpyulttyq is-sharalar josparynyń «Eldiń ákimshilik-aýmaqtyq qurylysyn jetildirý» baǵytynda 5 is-shara iske asyrylady.
«Búgingi kúni mınıstrlik Abaı, Jetisý jáne Ulytaý oblystaryn qurý boıynsha jumysty bastap ketti. Osy jylǵy 25 naýryzda Premer-Mınıstrdiń ókimimen atalǵan oblystardy qalyptastyrý úshin komıssııa quryldy. Komıssııanyń mindeti - jańa óńirlerdi qurý boıynsha júrgizilip jatqan jumys aıasynda memlekettik organdadyń vedomstvoaralyq ózara is-qımylyn qamtamasyz etý», dedi ol.
Sondaı-aq mınıstr jaýapty oryndaýshylardy jáne iske asyrý merzimderin kórsete otyryp, «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Prezıdent Jarlyǵyn qabyldaý jónindegi jumys algorıtmi ázirlengenin aıtty.
«Algorıtm uıymdastyrýshylyq-daıyndyq jáne jedel is-sharalar tizbesin qamtıdy. Algorıtm atalǵan oblystar ákimdikteriniń nazaryna jetkizildi. Jalpy alǵanda, Abaı, Jetisý jáne Ulytaý oblystaryn qurýdy kózdeıtin «Qazaqstan Respýblıkasynyń ákimshilik- aýmaqtyq qurylysynyń keıbir máseleleri týraly» Prezıdent Jarlyǵynyń jobasy osy jyly, jaqyn arada Prezıdent Ákimshiligine engiziledi», dedi Álibek Qýantyrov.
