«Radıojıilik – bul jańartylmaıtyn shekteýli resýrs. Máselen, aýyl sharýashylyǵyna bólingen jer tıimsiz jáne basqa maqsattarǵa qoldanylsa, álgi jer telimi qaıtarylýy tıis. Radıojıilik spektrinde de osyndaı jaǵdaı. Byltyr biz osy baǵytta úlken jumys atqardyq. Sottyń sheshimimen baılanys operatorlary radıojıilikti paıdalaný boıynsha 8 ruqsattamadan aıyryldy. Bul ruqsattar 2016 jyly alynǵan bolatyn, alaıda 6 jyl boıy tıimsiz paıdalanylǵan. Bosatylǵan radıojıilik resýrs halyqqa sapaly baılanys qyzmet kórsetýge jumsalý úshin basqa tehnologııalarǵa nemese basqa operatorlarǵa beriledi. Keıbir iri baılanys operatorlary jıilikterdi bolashaqta paıdalaný úshin rezervke qoıady, ıaǵnı ázirshe paıdalanbaıdy nemese bir-eki bazalyq stansalarda ǵana paıdalanyp, jelini ári qaraı damytpaıdy», dep jazdy mınıstr.
Sondaı-aq ol mundaı jaǵdaıda basqalardyń baılanys qyzmetin usyný múmkindigi shekteletinin aıtty.
«Bul rette biz radıojıilik spektrin bólý mehanızmin tolyǵymen ózgertemiz. Jýyrda Qazaqstanda radıojıilikter aýksıon úlgisinde bólinedi. Mundaı mehanızm úrdisti ashyq jáne jarııaly etedi, sondaı-aq baılanystyń jańa býyny - 5G tehnologııasyna ótý prosesin uıymdastyrýǵa septigin tıgizedi. Keshe baılanys operatorlary keńesiniń otyrysyn ótkizip, eki máseleni talqyladyq - Qazaqstandaǵy baılanys sapasyn kóterý jáne álemdegi jaǵdaıǵa oraı osy sala boıynsha túrli ssenarıı ázirleý. Biraq bul týraly kelesi joly aıtamyn», dep jazdy Baǵdat Mýsın.
