Baıtursynov kóshesi, 7 (Haıvıll TK) mekenjaıyndaǵy ýchaskede kóppáterli turǵyn úı kesheniniń ornyna mektep salynatyn boldy.
Budan basqa, Qoshqarbaev dańǵyly men Aqyrtas kóshesi mańynda «Haıvıl» TK-ge qarama-qarsy oqýshy oryndarynyń tapshylyǵyn azaıtý maqsatynda taǵy bir jalpy bilim beretin mektep salynady.
Aqbulaq yqsham aýdanynda Q.Jalaıyrı kóshesinde «Iconic» TK qurylysy toqtatyldy. Master-jospar boıynsha bul oryn abattandyrylyp, gúlzar ashylady.
Esil aýdanyndaǵy Máńgilik El dańǵyly janynda – №9 emhana men №77 mektep-gımnazııasy arasyndaǵy ýchaskede jospar boıynsha serýendeýge jáne demalýǵa arnalǵan qoǵamdyq keńistik (gúlzar) salynady.
Kúmisbekov kóshesi, 9 mekenjaıynda 21 qabatty turǵyn úı kesheni men parkıngtiń ornyna qoǵamdyq keńistik pen gúlzar salynady.
M.Gorkıı-Kosygın-Chelıýskınsev-Ishımskaıa kósheleriniń kvadratynda TK ornyna skver salynady.
Sonymen qatar Bas prokýratýra men Jysan Bank arasynda – Máńgilik El dańǵyly men Syǵanaq kóshesiniń qıylysyndaǵy ýchaskede kóppáterli turǵyn úı kesheniniń ornyna taǵy bir mektep salynady.
