Taǵzym etip, eskertkish ornatty

Qazaqstan Respýblıkasyn­daǵy Polsha Respýblıkasy elshili­giniń uıymdastyrýymen ústimizdegi jylǵy 3-6 sáýir aralyǵynda Ońtústik Qazaqstan oblysynyń Mankent jáne Jambyl oblysynyń Merke eldi mekenderinde ornalasqan áskerı zırattarǵa ornatylǵan eskertkishterdiń ashylý rásimi josparlanǵan bolatyn. 3 sáýir kúni keshke Polsha Respýblıkasynyń Soǵystar men azap shekkenderdiń estelikterin saqtaý jónindegi keńesiniń Bas hatshysy A.Kýnert bastaǵan 90 adam Shymkentke ushyp keldi. Olardy oblys ákiminiń oryn­basary S.Qanybekov bastaǵan óńir ókilderi qarsy aldy. 4 sáýirde delegasııa basshysy Andjeı Kýnert, sondaı-aq Polshanyń Qazaqstandaǵy elshisi Iаsek Klıýchkovskıı, Polshanyń Almatydaǵy Bas konsýly Andjeı Papej, polıak-qazaq saýda palatasynyń ókili Hmýra Darıýsh bastaǵan qonaqtar, ekinshi dúnıejúzilik soǵys kezinde Qazaqstan aýmaǵynda bolǵan soǵys ardagerleri jáne Ońtústik Qazaqstan oblysynyń ókilderi 1942 jyly qaıtys bolyp, Mankentke jerlengen polıaktar zıratyna ornatylǵan eskertkishterdiń ashylýyna qatysty. Jıyndy A.Kýnert kirispe sóz sóılep ashty. Iа.Klıýchkovskıı, A.Papej, Ońtústik Qazaqstan oblysy ákiminiń orynbasary S.Qanybekov, taǵy basqalar óz pikirlerin aıtyp, beıitte jatqan marqumdardyń rýhtaryna taǵzym etti, ońtústikqazaqstandyqtarǵa alǵys aıtty. Tústen keıin polıak de­le­­ga­sııasy túrki dúnıesiniń tekti tóri Túrkistanǵa jol tartty. Qoja Ahmet Iаsaýı kesenesin, shahardyń kórikti jerlerin aralap kórdi. Búgin qonaqtar Shaqpaq­babadaǵy jáne Merkedegi polıaktar zırattarynda bolyp, olarda ornatylǵan qulpytas eskertkishterdi ashyp, shyraq jaǵady, gúldesteler qoıady. «Egemen-aqparat».