Ulttyq banktiń málimeti boıynsha Qazaqstan sheteldik kapıtal aǵyndarynyń tómendeý úrdisin kúrt ózgertip qana qoımaı, ınvestısııalar kórsetkishterin 2017-2019 jyldyń deńgeıine deıin jetkizip otyr. Osylaısha, 2021 jyldyń qorytyndysy boıynsha elimizge tikeleı sheteldik ınvestısııalardyń (TShI) jalpy aǵyny 23,7 mlrd AQSh dollaryna jetip, kórsetkish 2020 jylmen salystyrǵanda 37,7%-ǵa ósti (17,2 mlrd AQSh dollary).
Qazaqstan ekonomıkasyna eń kóp ınvestısııa salǵan memleketterdiń úzdik bestigi ózgerissiz qaldy. Nıderland, AQSh, Shveısarııa, Reseı jáne Qytaı 25%-dan 92%-ǵa deıingi ósimimen kóshbasshylyqty senimdi ustap otyr. Atalǵan elderden tartylǵan ınvestısııalar jalpy kólemniń 68,3%-yn quraıdy.
О́z kezeginde úzdik ondyqtyń ekinshi bóliginde aıtarlyqtaı ózgerister baıqaldy. Belgııa salǵan ınvestısııalaryn 35,1%-ǵa ulǵaıtty jáne Ulybrıtanııany basyp ozyp, 6-oryndy ıelendi. Koreıa Respýblıkasy 73,2%-ǵa ósim kórsetip, 9-orynnan 8-orynǵa kóterildi. Sonymen qatar Túrkııa ınvestorlary óz kórsetkishterin 87%-ǵa jaqsartyp, 9-orynǵa jaıǵasty. Úzdik ondyqty Fransııa ınvestorlary túıindedi.
Úzdik 10 ınvestor el:
- Nıderland – 7,0 mlrd AQSh dollary;
- AQSh – 2,8 mlrd AQSh dollary;
- Shveısarııa – 2,6 mlrd AQSh dollary;
- Reseı – 1,9 mlrd AQSh dollary;
- Qytaı – 1,8 mlrd AQSh dollary;
- Belgııa – 1,06 mlrd AQSh dollary;
- Ulybrıtanııa – 1,02 mlrd AQSh dollary;
- Koreıa Resp. – 805,5 mln AQSh dollary;
- Túrkııa – 679,5 mln AQSh dollary;
- Fransııa – 603,1 mln AQSh dollary.
Investısııa tartýǵa jaýapty Syrtqy ister mınıstrligi 2021 jyly 19 mlrd
AQSh dollarynan astam sheteldik ınvestısııa tartylady dep boljaǵan. Investısııalyq jobalar pýlyn jáne Qazaqstanda qoldanylatyn «QR elshilikteri – ortalyq memlekettik organdar – aımaqtyq ákimshilikter» ınvestısııa tartý boıynsha úsh deńgeıli júıesin sátti júzege asyrý nátıjesinde elimiz 2017-2019 jylǵy kórsetkishterine qol jetkizdi.
Qazaqstan Úkimeti álemdik standarttarǵa saı ınvestısııalyq ahýaldy jaqsartý boıynsha turaqty túrde jumys júrgizip, bıznes úshin myqty jáne básekeli ortany qalyptastyrýǵa úlken mán beredi. Bul baǵytta «KAZAKH INVEST» UK» AQ ınvestorlarǵa járdemdesý is-sharalar keshenin kórsetetin ınvestısııa tartý boıynsha biryńǵaı operator bolyp tabylady. Atap aıtqanda, ulttyq kompanııa ınvestorlardyń Qazaqstanǵa saparyn uıymdastyrý, qarjylandyrý kózderin jáne jobalardy iske asyrýǵa baǵyttalǵan ınvestısııalyq alańdaryn anyqtaý, jergilikti iskerlik seriktestermen baılanys ornatý, ruqsat berý jáne ózge de qujattardy alý kezinde konsýltasııalyq qoldaý qyzmetterin kórsetedi.
Bul faktilerdi Standard&Poor's bedeldi halyqaralyq reıtıng agenttigi rastap, Qazaqstannyń táýelsiz nesıelik reıtıngin «BBB-» deńgeıde saqtady jáne boljam «turaqty» dep jarııalady.
Buǵan qosa Memleket basshysynyń tapsyrmasyn oryndaý sheńberinde búgingi tańda Qazaqstannyń 2025 jylǵa deıingi jańa Investısııalyq saıasatynyń tujyrymdamasy ESG (Environmental – qorshaǵan orta, Social – áleýmettik sala, Governance and Prosperity – korporatıvtik basqarý jáne ekonomıkalyq órkendeý) standarttaryna saı ázirlenýde.
