«Mańǵystaý oblysynyń ákimi Nurlan Noǵaev Jańaózen qalalyq máslıhatynyń depýtattaryna basqa jumysqa aýysqan Maqsat Ibaǵarovtyń ornyna jańa ákimniń kandıdatýrasyn usyndy. Prezıdent Ákimshiligimen kelisilgen jańa kandıdat Aıbek Qosýaqov boldy», delingen oblys ákimdiginiń baspasóz qyzmeti taratqan habarlamada.
Depýtattar Mańǵystaý oblysynyń ákimi usynǵan kandıdatýrany qoldap, jańa ákimniń jumysyna sáttilik tiledi.
Aıbek Qosýaqov Sh.Esenov atyndaǵy Kaspıı memlekettik ýnıversıtetin «Munaı jáne gaz uńǵymalaryn burǵylaý» jáne Qonaev atyndaǵy kólik jáne quqyq ýnıversıtetin «Ekonomıst» mamandyǵy boıynsha támamdaǵan.
Eńbek jolyn 1997 jyly «Qarajanbasmunaı» kompanııasynda operator retinde bastaǵan.
2001 jyldan 2004 jylǵa deıin jeke kásipkerlikpen aınalysty.
2004 jyldan 2006 jylǵa deıin «Jazyq» AQ atqarýshy dırektory boldy.
2007 jyldan 2020 jylǵa deıin «Taýshyq aýyl sharýashylyǵy» kompanııasynyń basqarma tóraǵasy bolyp jumys istedi.
2020 jyldyń qańtar aıynan qazirgi ýaqytqa deıin Mańǵystaý oblysy Túpqaraǵan aýdanynyń ákimi bolǵan.
Depýtattar Mańǵystaý oblysynyń ákimi usynǵan kandıdatýrany qoldap, jańa ákimniń jumysyna sáttilik tiledi.
Nurlan Noǵaev óz kezeginde jańa ákimge Jańaózenniń áleýmettik-ekonomıkalyq damýyna qatysty birqatar naqty tapsyrmalar júktedi.
