Finprom.kz jazýynsha, shet memleketterden jiberilgen qarajattyń úshten ekisi dollarmen aýdarylǵan. 2022 jyldyń qańtaryndaǵy derek boıynsha, dollarmen aýdarylǵan qarajat búkil kólemniń 63,9 paıyzyn quraıdy. Aýdarymdardyń 25 paıyzy teńgege tıesili. Al rýblmen jiberiletin aýdarymdar osymen tórtinshi jyl qatarynan qysqaryp keledi. 2022 jyldyń qańtarynda Reseı aqshasymen kelgen qarajat nebári 6,1 paıyz bolǵan. Aýdarymdardaǵy eýronyń úlesi – 4,9 paıyz.
Amerıka valıýtasymen kelgen bir aýdarymnyń ortasha chegi sońǵy bir jylda 780-nen 758 dollarǵa azaıǵan. Teńgemen kelgen bir aýdarymnyń ortasha chegi 127,7-den 190,9 myń teńgege kóbeıgen. Rýblmen jasalǵan aýdarymdardyń da ortasha chegi 22,5-ten 23,6 myń rýblge kóbeıipti. Eýro valıýtasyndaǵy aýdarymdardyń ortasha cheginde 436-dan 400 eýroǵa deıin tómendeý baıqalady.
Qarjy aýdarymy júıesi arqyly jiberilgen aqshanyń basym bóligi О́zbekstannan kelgen – 2,5 mlrd teńge. Odan keıin Ońtústik Koreıa (2,1 mlrd teńge) jáne AQSh (1,9 mlrd teńge) tur. Buǵan deıingi merzimderde lıder bolyp kelgen Reseı 1,6 mlrd teńgemen tórtinshi pozısııaǵa ornalasqan.
