Sýǵa ketken úılerdiń barlyǵy da ózen arnalarynyń boıyna salynǵan, baý-baqsha ujymdaryna qarasty jerler. Saıajaı úıleriniń ornyna turǵyn úıler salýǵa ruqsat bergeni úshin Aqtóbe qalalyq jer qatynastary bólimi, sáýlet jáne qala qurylysy bólimi, turǵyn úılerdi jobalaýshylar jaýap berýi tıis.
Sondaı-aq oblys aýmaǵyndaǵy respýblıkalyq mańyzy bar tasjoldardyń boıyn on jerden sý shaıyp, tórt aýdannyń turǵyndary zardap shekti. Búginde jeti eldi mekenmen qatynas úzilip qaldy. Olar – Baıǵanın aýdanynyń Mııaly men Oımaýyt, Qobda aýdanynyń О́tek, Oıyl aýdanynyń Aqshataý, Kóptoǵaı, Muǵaljar aýdanynyń Bulaqty, Qumsaı eldimekenderi. Tasqyn sý «Aqtóbe –Atyraý – RF shekarasy (Astrahan) respýblıkalyq tasjolynyń Baıǵanın aýdany Jarly aýylynyń tusynda sý ótkelin julyp áketti. Osy tasjol qurylysyn «Astana Dorstroı» mekemesi byltyr kúzde ǵana paıdalanýǵa bergen bolatyn. Sondaı-aq «Aqtóbe-Qandyaǵash» tasjolynyń Alǵa-Qandyaǵash bóligindegi sý ótkeli de buzyldy. Eki tasjoldy da salyp jatqan «Astana Dorstroı» JShS-i.
Jalpy, Aqtóbe oblysynyń tasjoldar boıyndaǵy ótkelder men kópirlerdiń bári de buzyldy. Osy jaǵdaı jol qurylysyn jobalaýshy jáne jol salýshy mekemelerdiń jaýapsyzdyǵynyń kórinisi jáne quzyrly mekemelerdiń tarapynan qadaǵalaýdyń bolmaǵandyǵyn kórsetedi. Aqtóbe men Qandyaǵash tasjolyna qatysty 70 mlrd teńgeniń jol jobasyn memlekettik saraptamadan ótkizgender men kópir jáne ótkel qurylystaryn jobalaýshylar qateliktiń sebebi men saldaryna zań aldynda jaýap berýi tıis.
Aqtóbe oblysy
