Instagram-da jarııalanǵan habarlamanyń sıpattamasynda turaqty zábir kórsetýshilik, balalarǵa aıqaılaý, sonyń ishinde dóreki sózder qoldaný, durys tamaqtandyrmaý jáne bala kútimine qatysty basqa da shaǵymdar týraly jazylǵan.
«Qazirgi ýaqytta Nur-Sultan qalasynyń polısııa departamenti zorlyq-zombylyq faktisi boıynsha balabaqsha tárbıeshisine qatysty qylmystyq is qozǵap, sotqa deıingi tergeý bastaldy», delingen vedomstvonyń baspasóz qyzmetiniń habarlamasynda.
Sonymen qatar elordalyq bilim basqarmasy prokýratýra men sanıtarlyq-epıdemıologııalyq baqylaý departamentine balabaqshanyń bilim berý qyzmetine tekserý júrgizý týraly hat joldaǵan.
Qazirgi jaǵdaı Balalardyń quqyqtaryn qorǵaý komıtetiniń baqylaýynda.
Basqarmanyń málimetinshe, balabaqsha memlekettik tapsyrys ornalastyrylmaǵan jeke uıym bolyp tabylady. Mektepke deıingi uıymnyń ákimshiligi bilim berý organdaryna óz qyzmetiniń bastalǵany týraly habarlama jibermegen. Qazirgi ýaqytta balabaqshada 12 adam jumys istep, 60-tan astam bala tárbıelengeni belgili boldy.
