Komıssııa jumysyna memlekettik organdardyń, «Atameken» UKP ókilderi men óńirlerdiń basshylary qatysty.
Epıdemıologııalyq jaǵdaıdyń turaqtanýyn eskere otyryp, Qazaqstan aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııa bıylǵy 11 sáýirden bastap Reseı Federasııasy, О́zbekstan jáne Qyrǵyzstan Respýblıkalarymen qurlyqtaǵy ótkizý pýnktterinde Qazaqstan azamattarynyń, azamattyǵy joq adamdardyń jáne sheteldikterdiń Qazaqstan Respýblıkasynyń memlekettik shekarasynan ótýine qoıylǵan shekteýlerdi alyp tastaý týraly sheshim qabyldady.
Oǵan qosa, áýe qatynasy arqyly memlekettik shekarany kesip ótýge qoıylǵan barlyq shekteýler alynyp tastalady. Bul rette qazaqstandyqtar men Qazaqstan Respýblıkasynyń aýmaǵynda turýǵa nıettengen sheteldikterge PTR ádisimen COVID-19-ǵa testiniń teris nátıjesi bar anyqtamany nemese vaksınalaý pasporttary ózara tanylǵan jaǵdaıda koronavırýsqa qarsy vaksınalaýdyń, revaksınalaýdyń tolyq kýrsynan ótkeni týraly qujatty mindetti túrde usyný jónindegi talap saqtalady.
Eraly Toǵjanov óz sózinde memlekettik shekarany ashý máselesi Memleket basshysynyń turaqty jeke baqylaýynda ekenin jetkizdi.
Otyrys sońynda Eraly Toǵjanov ákimdikterge koronavırýs ınfeksııasyna qarsy egý naýqanyn erekshe baqylaýǵa alýdy tapsyryp, halyq arasynda sapaly túsindirý jumystaryn júrgizý qajettigin atap ótti.
