Az ýaqyttyń ishinde aıran-asyr abyroıǵa kenelgen «Irına Kaıratovna» qoǵamǵa nasıhattyq ánder alyp keldi. Sonysymen de erekshelendi. Qazaqstan jastarynyń kóbi derlik IK-nyń ánderine bıleıdi (tipti biz de). Olar talantty: mýzyka jazýda, ony kórermenge usynýda hám sapaly beınerolık túsirýde. Árıne, eń aldymen, olardyń ıdeıalary sátti shyǵýda. Sol úshin de ár jańa áni medıa keńistikte dúmpý týǵyzady. Jáne olar aqyldy: qazirgi jastarǵa, zamanaýı platformaǵa ne unaıtynyn, qandaı formatty qalaıtynyn biledi. Sol úshin de úgitshilik kózqaras ustanady: ózindik stıl jáne halyq qyzyǵýy úshin. Iаǵnı óner úshin emes. Iá, «IK»-nyń mıllıon qaralym jınap, ár keshinde ıne shanshyr oryn bolmaı, tipti keshikkender syımaı qalatyn ataq-dańqy taza óner úshin degen kózqarastan týmaǵany anyq. Qalaı desek te olardyń ár týyndysy jastar arasyna buzyp-jaryp kirdi. Bul shyndyq «Irına Kaıratovnany» tarıhta qaldyrýy da ábden múmkin.
Aıtpaqshy, jýyrda «IK»-nyń jańa áni shyqty: «Kók tý». Bir qaraǵanda, tý týraly patrıottyq án be dersiz... Alaıda onda mentalıtetimizden bastap 19 mıllıon teńgege deıin sóz bolady. Ádettegideı, án bir taqyrypqa ǵana qurylmaǵan, úsh tilde qyryq jamaý oı aıtady. Ásirese, «Qý, qýsań, ıntellıgentno qý» sóılemi keń taralyp ketti,
«Jelbiretip kók týdy
Boys in the hood.
Kim qandaı júz?
Kimde qandaı rý?
Bul, bizdiń mentalıtet
qoı bul!
Qý, qýsań, ıntellıgentno qý!
True bol! True sóıle!
True, true, true...»
P.S. Bálkı, mýzykadaǵy ózindik stılimen, medıa úshin qoldanatyn propagandalyq oılarymen, maǵynasyz sózderimen erekshelenetin «ánshiler» týraly sóz qozǵaý – deńgeısizdik dersiz. Alaıda bul – jastardyń tańdaýy. Bizdiń qoǵamda estilip jatqan án...
