Bus Lane esebinen kepteliste turmaı, kedergisiz júretin marshrýttyq jeli qalyptasty, ony qamtý marshrýttardyń júrý uzaqtyǵynyń 18%-yn quramaq. Qoǵamdyq kólikke basymdyq berýdiń mańyzdylyǵyn mán berilgendikten 2015 jyly elorda kóshelerinde arnaıy bólingen «Bus Lane jolaǵy engizile bastady.
Qalalyq qoǵamdyq kólik qarbalas ýaqytta jeke kólikterge qaraǵanda áldeqaıda basymdyqqa ıe. Nátıjesinde jolaýshylar ýaqytyn utymdy paıdalana alady. Bul qozǵalys jaǵdaıyn jaqsartyp qana qoımaı, qala ekologııasyna jáne jalpy qorshaǵan ortaǵa oń áser etedi.
Bólingen jolaqtar qoǵamdyq kólik qozǵalysyn jyldamdatýǵa, jol-kólik oqıǵasy sanyn azaıtýǵa jáne t.b. arnalǵan. Qoǵamdyq kóliktiń kedergisiz ótýin qamtamasyz etýden basqa, bul joba resmı taksı men arnaıy qyzmetter úshin de tıimdi. Onyń ishinde jedel járdem kólikteri men órt sóndirý tehnıkalarynyń oqıǵa ornyna jyldam jetýine oń áser etedi.
«Bus Lane» engizý qoǵamdyq kóliktiń jumysyn jaqsartýǵa múmkindik berdi.
Búgingi tańda elordada jalpy uzyndyǵy 73,6 km bolatyn 26 kóshe ýchaskesinde Bus Lane engizildi.
Osy sharalar esebinen Bus Lane boıynsha qoǵamdyq kólik qozǵalysynyń tıimdiligi 25%-ǵa jetedi, onyń ishinde jol júrý ýaqyty orta eseppen 10 mınýtqa qysqardy.
2021 jyly Bus Lane arnaıy jolaqtary Turan, Qabanbaı batyr, Uly Dala, Baıtursynov, Nájimedenov, Túrkistan, Muhamedhanov jáne Abylaı han kósheleri men dańǵyldarynyń 8 ýchaskesinde engizilgen.
Sonymen qatar, Memleket basshysy kólik kóp júretin qarbalas ýaqyttardan bólek jáne demalys kúnderi qoǵamdyq kólikterge arnalǵan jolaqtar boıynsha jeke kólik ıeleriniń de júrý múmkindigin pysyqtaýdy tapsyrdy. Osyǵan oraı tapsyrmany oryndaý úshin 2021 jylǵy 29 tamyzda Abylaı han dańǵyly boıynsha Pýshkın kóshesinen Manas kóshesine deıingi ýchaskede Bus Lane iske qosylyp, onyń jumys isteý ýaqyty belgilendi. Sonymen, jeke kólik ıelerine avtobýs jolaǵymen tańǵy ýaqytta 07.30-dan 9.30-ǵa deıin jáne keshki ýaqytta 17.00-den 20.00-ge deıin júrýge tyıym salynady. Al qalǵan ýaqytta avtobýs jolaǵymen júrýge ruqsat beriledi. Bul shekteý pılottyq joba sheńberinde engizilýde.
Búgingi tańda qoǵamdyq kólik jelisine 1 400-den astam júrgizýshi, 95 marshrýt, 886 avtobýs kestesi qyzmet kórsetedi. Kún saıyn qoǵamdyq kólikte 600 000 sapar jasalady.
Qazirgi ýaqytta júrgizilgen is-sharalar qoǵamdyq kólik qozǵalysy úshin bólingen joldardy uıymdastyrýdyń tehnıkalyq-ekonomıkalyq tıimdiligin kórsetedi.
