Atmosferalyq frontaldy bóliktiń ótýi Qazaqstan terrıtorııasyń basym bóligine qubylmaly aýa raıyn alyp keledi. Jańbyr men qar túrindegi jaýyn-shashyn bolady. Respýblıka boıynsha jeldiń kúsheıýi, tuman, ońtústikte naızaǵaı, shańdy daýyl soǵady.
Soltústik Qazaqstan oblysynda túnde soltústigi men shyǵysynda jeldiń 15-20 m/s, kúndiz basym bóliginde 15-20, soltústigi men shyǵysynda ekpini 25 m/s kúsheıýi, túnde jáne tańerteń ońtústiginde tuman kútiledi.
Aqmola oblysynda soltústigi men shyǵysynda jeldiń 15-20 m/s kúsheıýi, túnde batysy men soltústiginde kóktaıǵaq, túnde jáne tańerteń ońtústiginde tuman túsedi.
Almaty oblysynyń soltústigi ońtústigi men taýly aýdandarynda jeldiń 15-20 m/s kúsheıýi múmkin.
Túnde jáne tańerteń Túrkistan oblysynyń soltústigi men taýly aýdandarynda jeldiń 15-20 m/s kúsheıýi, soltústiginde shańdy daýyl kútiledi. Túrkistan, Batys Qazaqstan oblystarynda tuman túsip, jel 15-20 m/s jyldaqdyqpen soǵady.
Kúndiz Mańǵystaý oblysynyń soltústik-shyǵysynda jeldiń jyldamdyǵy 15-20 m/s jetedi.
Kúndiz Atyraý oblysynyń basym bóliginde jeldiń jyldamdyǵy 17-22 m/s kúsheıedi.
Túnde jáne tańerteń Aqtóbe oblysynyń batysy men soltústiginde tuman, kúndiz ońtústigi men ortalyǵynda jel kúsheıedi
Qostanaı oblysynyń shyǵysynda tuman, kóktaıǵaq, soltústiginde jel bolady.
Kúndiz Pavlodar oblysynyń soltústigi men shyǵysynda jel turady.
Qaraǵandy oblysynyń soltústigi, shyǵysy men ortalyǵynda tuman.
Shyǵys Qazaqstan oblysynyń soltústik-batysynda, batysynda, ońtústiginde jeldiń 15-20, kúndiz ekpini 25 m/s jyldamdyqpen soǵady.
Kúndiz Qyzylorda oblysynyń ortalyǵy men ońtústiginde shańdy daýyl soǵady.
Jambyl oblysynyń ońtústik-batysy, soltústik-shyǵysy men taýly aýdandarynda jeldiń jyldamdyǵy 15-20 m/s jetedi.
