Tártip saqshylary 6 sáýirden bastap óńir aýmaǵynda «Boryshker» jedel aldyn alý sharasyn júrgizýde.
Bir kún ishinde polısııa qyzmetkerleri memleket bıýdjetine 6 mln teńgeden astam qarajat óndirdi.
Sondaı-aq tólenbegen aıyppuldary bar 46 júrgizýshiniń kóligi mamandandyrylǵan turaqqa qoıylǵan.
Máselen, polıseıler О́skemen qalasynyń 30 jastaǵy turǵyny tizgindegen «Toyota» markaly kólikti toqtatty.
Tekserý kezinde er adamnyń 14 ret jol erejesin buzyp, aıyppul tólemegeni anyqtaldy.
«Barlyq buzýshylyqtar QR ÁQBtK-niń 592-baby (qozǵalys jyldamdyǵyn ruqsat etilgen shekten asyrý) boıynsha jasalǵan. Osyǵan baılanysty boryshkerdiń kóligi aıyppuldardy tolyq ótegenge deıin arnaıy turaqqa jetkizildi», dedi oblystyq PD bastyǵynyń birinshi orynbasary Eldos Zakımov.
