Ońtústik bastoǵandaǵy sý sorǵy stansasy aýmaǵyna qum jınalyp qalǵandyqtan oblys ortalyǵyn sýmen úzdiksiz qamtamasyz etýde týyndaǵan qaýip bar. Ońtústik Bastoǵan oblys ortalyǵy halqyn jáne kásiporyndardy sharýashylyq-aýyz sýmen qamtamasyz etetin jalǵyz sý kózi.
«Pavlodar-Sýarnasy» JShS quryltaıshysy («WEST-Kvazar» JShS), buryn ózen saǵalaryn qumnan tazartý jumystarymen aınalysqan jáne odan qurylys materıaldaryn óndirgen. Jergilikti úkimettiń sheshimi saldarynan búginde jumysyn toqtatýǵa májbúr.
Baspasóz-konferensııasyna qatysýshylardyń aıtýynsha, bul máseleniń mán-jaıynan jumys istep turǵan bıznesti reıderlik jolmen tartyp alý talpynysynyń dálelin baıqaýǵa bolady.
Qazir qum úıindileri kúnnen kúnge ulǵaıyp keledi, ózen arnasyn tazalaý jumystaryn júrgizý qajettiligi týyndap otyr. Sebebi onyń saldarynan Pavlodar qalasyna sý berilýi toqtatylýy múmkin. Bul halyq tirshiligin qamtamasyz etýge tikeleı qaýip týdyrady.
Sonymen qatar, búgin baspasóz máslıhatynda spıkerler «WEST-KVAZAR» JShS qyzmetine qatysty sot prosesinde Pavlodar oblysynyń mamandandyrylǵan aýdanaralyq ekonomıkalyq soty sýdıasynyń prosessýaldyq qujattardy burmalaý faktisi týraly málimdeme jasaıdy. Qyzmettegi jalǵan faktini Pavlodar qalasynyń mamandandyrylǵan ákimshilik soty rastady.
