«2022 jylǵy 8 sáýirde 10 saǵat 35 mınýtta Shyǵys Qazaqstan oblysynyń Altaı - Kúmistaý temirjol ýchaskesinde júk poıyzynyń 5 vagony relsten shyǵyp ketti. Vagondar sement tasymaldaǵan.
Bir vagon «KýzbassTransSement» JShQ (Reseı Federasııasy) menshigi bolsa, qalǵany «Kaspıı Sement» JShS-ge (Qazaqstan Respýblıkasy) tıesili. Quram 28 km/saǵ jyldamdyqpen júrip kele jatqan», dep jazylǵan saıtta.
«QTJ»UK» AQ deregi boıynsha, oqıǵa saldarynan eshkim zardap shekpegen.
Jolaýshy poıyzdary men júk poıyzdarynyń kidirisi bolǵan joq. Qazir ýchaskeni qalpyna keltirý jumystary júrgizilip jatyr. Vagondardyń relsten shyǵý sebebi anyqtalýda.
