Terrorlyq maqsatta shet aspaqshy bolǵan otbasy sotty boldy

Atyraý oblysynyń Jylyoı aýdandyq soty Qulsary qalasynyń turǵyndary erli-zaıypty B. men N.-ǵa qatysty Qylmystyq kodekstiń 233-1 babynyń 1 tarmaǵymen (Terrorızmdi nasıhattaý nemese terrorızm aktisin jasaýǵa jarııa túrde shaqyrý, sondaı-aq kórsetilgen mazmundaǵy materıaldardy taratý) sot úkimi shyqty.Bul týraly oblystyq sottyń baspasóz hatshysy Boranbaı Ǵalıev habarlady. «Erli-zaıyptylar B. men N. ózderiniń týysy bolyp keletin E.-niń yqpalymen halyqaralyq terrorıstik áreketter jasaý maqsatynda shet elge ótip ketýge daıyndalǵan. El aýmaǵynan shyǵý úshin ózderimen birge kámeletke tolmaǵan 4-ten 14 jasqa deıingi alty balasynyń qujattaryn kóshi-qon polısııasy arqyly rásimdegen», — delingen habarlamada. Sotta erli-zaıyptylardyń kinálary tolyq dáleldendi. Balalardyń ákesine 5 jyl merzimge bas bostandyǵynan aıyrý jazasyn taǵaıyndady. Jubaıy da atalǵan bap boıynsha kináli dep tanylyp, 3 jylǵa bas bostandyǵynan aıyrý jazasy taǵaıyndaldy. Jazany óteýdi balalarynyń úlkeni kámeletke tolǵanǵa deıin, ıaǵnı 5 jylǵa  keıinge qaldyrdy. Sot úkimi zańdy kúshine engen joq. Qurysh Nurymbet. Derekkóz: Atyraý oblystyq sotynyń baspasóz qyzmeti. Foto: www. Inosmi.ru.