Atalǵan jarystyń qarsańynda belgili mesenat Berik Qanıev: «Daryndy jastardy qoldaý jáne salamatty ómir saltyn nasıhattaý maqsatynda elimizdiń eki qalasynda shahmattan iri týrnır uıymdastyrýdy qup kórdik. Osyndaı aýqymdy sharanyń ótýine muryndyq bolǵan Fizmat Endowment Fund qory men Qazaqstan shahmat federasııasyna aıtar alǵysymyz zor. Olardyń óskeleń urpaqqa barynsha qoldaý kórsetip otyrǵany qýantady. Kúni keshe ǵana uıymdastyrýshylar jarystyń júlde qory 2 mln teńgeni quraıtynyn jarııa etti. Sonymen qatar RFMM bilim berý úshin tórt bilim grantyn bóledi. Bilimge ınvestısııa salý jastar úshin eń keremet syılyq ekeni sózsiz. Osyndaı is-sharalar oqýshylarymyzdy jańa jeńisterge ıtermelep, talanttaryn asha túsetinine kámil senemin. Barsha qatysýshylarǵa sáttilik tileımin», dedi.
